ក្រុងប៉េកាំង ព្រលះអនុប្រធានាធិបតីអាមេរិក ជុំវិញការចោទប្រកាន់គ្មានមូលដ្ឋាន

2018-10-05 01:55:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសចិនបានព្រលះការចោទប្រកាន់របស់អនុប្រធានាធិបតីអាមេរិក Mike Pence ជុំវិញរឿងការលូកលាន់ការបោះឆ្នោតអាមេរិកនៅខែវិច្ឆិកា ខាងមុខ ការវាយប្រហារតាមប្រព័ន្ធអ៊ីនធឺណិត បញ្ហាសមុទ្រចិនខាងត្បូង និងតៃវ៉ាន់។ ចិនថា ការចោទប្រកាន់របស់លោក Mike Pence គឺជាការប្រឌិតពាក្យចចាមអារ៉ាម និងគ្មានមូលដ្ឋានទាំងស្រុង។

អាមេរិកប្រាប់ចិន៖ យើងនឹងមិនត្រូវបានគំរាមកំហែងនៅសមុទ្រចិនខាងត្បូងនោះទេ

លោក Mike Pence អនុប្រធានាធិបតីអាមេរិក/ រូបភាព៖ CGTN

លោកស្រី Hua Chunying អ្នកនាំពាក្យក្រសួងការបរទេសចិនបានបញ្ជាក់ថា សុន្ទរកថារបស់លោក Mike Pence គឺយោងតាមភស្ដុតាងលឺតគ្នា និងការប្រឌិតពាក្យចចាមអារ៉ាម ជាងគោលនយោបាយជាក់ស្ដែង ទាំងក្នុងស្រុក និងក្រៅប្រទេសរបស់ចិន ហើយចិនបដិសេធយ៉ាងខ្លាំងទៅនឹងការចោទប្រកាន់គ្មានមូលដ្ឋាននានា។

លោកស្រីបញ្ជាក់ថា ចិនតែងតែប្រកាន់ខ្ជាប់នៅគោលការណ៍មិនជ្រៀតជ្រែកកិច្ចការប្រទេសដទៃ ហើយគ្មានចំណាប់អារម្មណ៍ក្នុងការលូកលាន់នយោបាយអាមេរិកនោះទេ។

ជាមួយគ្នានេះ លោកស្រីបានជំរុញឲ្យអាមេរិកដើរតួនាទីស្ថាបនា ក្នុងទំនាក់ទំនងទ្វេភាគី៕

ប្រភព៖ CGTN ប្រែសម្រួល៖ វាសនា