Jack Ma៖ អាមេរិកនឹងរងផលប៉ះពាល់ខ្លាំងជាង ក្នុងសង្រ្គាមពាណិជ្ជកម្ម

2018-10-11 09:41:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Jack Ma ស្ថាបនិកក្រុមហ៊ុន Alibaba បានថ្លែងក្នុងសន្និសីទក្នុងក្រុងកូឡាឡាំពួរ តាមរយៈវីដេអូពីប្រទេសចិនថា លោកជឿជាក់អាមេរិកនឹងរងផលប៉ះពាល់ជាងគេ ពីសង្រ្គាមពាណិជ្ជកម្ម។ ប៉ុន្ដែលោកបន្ថែមថា លោកនៅតែមានសុទិដ្ឋិនិយម ព្រោះក្នុងនាមជាសហគ្រិន ប្រសិនបើអ្នកគ្មានសុទិដ្ឋិនិយមទេ អ្នកមិនមែនជាសហគ្រិននោះទេ។

លោក Jack Ma ស្ថាបនិកក្រុមហ៊ុន Alibaba ថ្លែងតាមរយៈវីដេអូពីប្រទេសចិន ក្នុងសន្និសីទក្នុងក្រុងកូឡាឡាំពួរ/ រូបភាព៖ South China Morning Post

ថ្លែងតាមរយៈវីដេអូពីប្រទេសចិន លោក Jack Ma ប្រាប់មេដឹកនាំជំនួញ និងអ្នកការទូតថា លោកមើលមិនឃើញមូលហេតុឡូស៊ីកនៅពីក្រោយការដំឡើងពន្ធ ដើម្បីកែប្រែឡើងវិញនូវឱនភាពពាណិជ្ជកម្មជាមួយចិននោះទេ។

លោកបន្ថែមថា សេដ្ឋកិច្ចអាមេរិក ជាការពិត ទទួលផលប្រយោជន៍ពីទំនាក់ទំនងពាណិជ្ជកម្មជាមួយចិន។ លោកក៏បានចង្អុលបង្ហាញថា ផលិតផលក្នុងស្រុករបស់មហាអំណាចលោកខាងលិចបានកើនឡើងជាបន្ដបន្ទាប់ គឺជាផ្នែកមួយដោយសារប្រភពខាងក្រៅនៃការងារទៅប្រទេសចិន។

សូមបញ្ជាក់ថា ប្រទេសចិន និងអាមេរិក កំពុងប្រឈមភាពតានតឹងដាក់គ្នាលើបញ្ហាពាណិជ្ជកម្ម ដោយប្រទេសទាំងពីរកំពុងចាត់វិធានាការពន្ធដាក់គ្នាជាបន្តបន្ទាប់៕

ប្រភព៖ South China Morning Post ប្រែសម្រួល៖ វាសនា