សម្តេច ហ៊ុន សែន លើកឡើងពីបញ្ហាប្រឈមរបស់អាស៊ាន ក្នុងវេទិកានៅឥណ្ឌូណេស៊ី

2018-10-11 10:26:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងវេទិកាជំនួបកំពូលថ្នាក់ដឹកនាំអាស៊ាន មូលនិធិរូបិយវត្ថុអន្តរជាតិ និងធនាគារពិភពលោក នៅកោះបាលី ប្រទេសឥណ្ឌូណេស៊ី នារសៀលថ្ងៃទី១១ ខែតុលា ឆ្នាំ២០១៨នេះ សម្តេចនាយករដ្ឋមន្រ្តី ហ៊ុន សែន បានលើកឡើងពីបញ្ហាប្រឈមមួយចំនួនរបស់អាស៊ានដូចជា៖

កំណើននៃភាពចាស់ជរា និងការថយចុះកម្លាំងពលកម្ម
គម្លាតជំនាញក្នុងសម័យបដិវត្តន៍ឧស្សាហកម្ម 4.0
គម្លាតអភិវឌ្ឍន៍រវាងប្រទេសសមាជិក និងការបែងចែកផ្លែផ្កាកំណើនប្រកបដោយសមធម៌
ព្រមទាំងបញ្ហានិរន្តភាពនៃការប្រើប្រាស់ធនធានធម្មជាតិ។

សម្តេច ហ៊ុន សែន និងមេដឹកនាំអាស៊ានដទៃទៀត ក្នុងវេទិកា នៅកោះបាលី ប្រទេសឥណ្ឌូណេស៊ី។ រូបថត៖ FB សម្តេច ហ៊ុន សែន

សម្តេចបានមានប្រសាសន៍ថា បច្ចុប្បន្នសាកលលោក កំពុងវិវឌ្ឍទៅរកក្របខ័ណ្ឌពហុប៉ូលថ្មី បម្រែបម្រួលកម្លាំង និងតុល្យភាពព្រមទាំងកំពុងប្រឈមនឹងបញ្ហានានាពាក់ព័ន្ធនឹងភូមិសាស្ត្រនយោបាយ ភេរវកម្ម និងអំពើហិង្សាក្នុងតំបន់ និងសកលលោក ក៏ដូចជាការប្រែប្រួលអាកាសធាតុ និងភាពមិនប្រាកដប្រជា ក្នុងសេដ្ឋកិច្ច និងហិរញ្ញវត្ថុពិភពលោកដោយសារតែនយោបាយគាំពារនិយម សង្គ្រាមពាណិជ្ជកម្ម ការរំលោភលើប្រព័ន្ធពហុភាគីនិយម និងភាពងាយរងគ្រោះ ក្នុងវិស័យហិរញ្ញវត្ថុសកល និងតំបន់។

ជាមួយគ្នានេះ សម្តេច ហ៊ុន សែន បានផ្តល់អនុសាសន៍ថា ក្នុងបរិការណ៍នេះ អាស៊ានត្រូវពង្រឹងកិច្ចសហប្រតិបត្តិការបន្ថែមទៀតជាមួយដៃគូដែលមានស្រាប់ ស្ដារឡើងវិញនូវប្រព័ន្ធពាណិជ្ជកម្មសកលផ្អែកលើមូលដ្ឋានច្បាប់អន្តរជាតិ និងបន្តធ្វើសមាហរណកម្មលើការតភ្ជាប់លើគ្រប់វិស័យ ដើម្បីពង្រឹងភាពធន់របស់អាស៊ានទៅនឹងការវិវត្តស្ថានភាពនយោបាយសេដ្ឋកិច្ច និងសង្គម ព្រមទាំងធានាឱ្យបាននូវស្ថិរភាពម៉ាក្រូសេដ្ឋកិច្ច និងហិរញ្ញវត្ថុផងដែរ៕

អត្ថបទ៖ សំភី