នាយករដ្ឋមន្រ្តីជប៉ុន នឹងធ្វើទស្សនកិច្ចទៅប្រទេសចិន រយៈពេល ៣ថ្ងៃ

2018-10-12 07:49:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ីនហ្សូ អាបេ នាយករដ្ឋមន្រ្តីជប៉ុន នឹងធ្វើទស្សនកិច្ចទៅកាន់ប្រទេសចិនរយៈពេល ៣ថ្ងៃ គឺចាប់ពីថ្ងៃទី២៥ ដល់ ២៧ ខែតុលា ឆ្នាំ២០១៨ ខាងមុខនេះ។ ទស្សនកិច្ចនេះ គឺតបតាមការអញ្ជើញរបស់លោកនាយករដ្ឋមន្រ្តីចិន លី ឃឺឈាង។

លោក លី ឃឺឈាង នាយករដ្ឋមន្រ្តីចិន ចាប់ដៃជាមួយលោក ស៊ីនហ្សូ អាបេ នាយករដ្ឋមន្រ្តីជប៉ុន នៅក្រុងតូក្យូរបស់ជប៉ុន នាពេលកន្លងមក/ រូបភាព៖ Reuters

សូមបញ្ជាក់ថា កាលពីថ្ងៃទី១១ ខែតុលា ឆ្នាំ២០១៨ ម្សិលមិញ លោក Lu Kang អ្នកនាំពាក្យក្រសួងការបរទេសចិន ក៏បានបញ្ជាក់ផងដែរថា ក្រុងប៉េកាំងបានអញ្ជើញលោកនាយករដ្ឋមន្រ្តីជប៉ុន សម្រាប់ទស្សនកិច្ចក្នុងពេលមួយ ដែលសាកសមសម្រាប់ភាគីទាំងពីរ។

អ្នកនាំពាក្យរូបនេះក៏បានបន្ថែមទៀតថា មន្រ្តីការទូតនៃប្រទេសទាំងពីរកំពុងរក្សាទំនាក់ទំនង និងជួបពិភាក្សាគ្នា ដើម្បីសម្រួលបរិយាកាសអំណោយផលមួយសម្រាប់ទស្សនកិច្ចរបស់លោកនាយករដ្ឋមន្រ្តីជប៉ុន៕

ប្រភព៖ CGTN ប្រែសម្រួល៖ វាសនា