រដ្ឋមន្រ្តីពាណិជ្ជកម្មថៃ ប្រាប់ឲ្យអនុព័ន្ធពាណិជ្ជកម្ម ត្រៀមខ្លួនចំពោះសង្រ្គាមពាណិជ្ជកម្ម
- 2018-10-16 01:59:36
- ចំនួនមតិ 0 | ចំនួនចែករំលែក 0
រដ្ឋមន្រ្តីពាណិជ្ជកម្មថៃ ប្រាប់ឲ្យអនុព័ន្ធពាណិជ្ជកម្ម ត្រៀមខ្លួនចំពោះសង្រ្គាមពាណិជ្ជកម្ម
ចន្លោះមិនឃើញ
លោក Sontirat Sontijirawong រដ្ឋមន្រ្តីក្រសួងពាណិជ្ជកម្មថៃ បានជំរុញឲ្យនាយកនៃការិយាល័យកិច្ចការពាណិជ្ជកម្ម នៃស្ថានទូតថៃទាំង ៦៤ប្រទេស ត្រៀមខ្លួនសម្រាប់សង្រ្គាមពាណិជ្ជកម្មសាកល ដែលលោកថា វានឹងផ្ទុះឡើងកាន់តែធំឡើងនៅឆ្នាំ២០១៩ ខាងមុខ។
ជាមួយគ្នានេះ លោក Sontirat Sontijirawong បានបញ្ជាឲ្យមន្រ្តីជាន់ខ្ពស់ក្រសួង និងអនុព័ន្ធពាណិជ្ជកម្ម រៀបចំផែនការនានា ដើម្បីទប់ទល់នឹងសង្រ្គាមពាណិជ្ជកម្មសាកល។ លោកថា ផែនការទាំងនោះ អាចជួយជំរុញពាណិជ្ជកម្មអន្តរជាតិរបស់ថៃកើនឡើង មុនរដ្ឋាភិបាលថ្មីចូលកាន់តំណែងនៅក្នុងរយៈពេល ៦ខែទៀត។
សូមបញ្ជាក់ថា ក្រសួងពាណិជ្ជកម្មថៃបានដាក់គោលដៅនាំចេញ ឲ្យកើនឡើងក្នុងរង្វង់ ៨% ហើយលោករដ្ឋមន្រ្តីក្រសួងពាណិជ្ជកម្មថៃជឿជាក់ថា គោលដៅនេះនឹងអាចសម្រេចបាន៕