ម៉ាឡេស៊ី ផ្អាកនាំចូលម្ទេសវៀតណាមដែលផ្ទុកសារធាតុគីមីហួសកម្រិត
- 2018-10-16 02:43:56
- ចំនួនមតិ 0 | ចំនួនចែករំលែក 0
ម៉ាឡេស៊ី ផ្អាកនាំចូលម្ទេសវៀតណាមដែលផ្ទុកសារធាតុគីមីហួសកម្រិត
ចន្លោះមិនឃើញ
ក្រសួងកសិកម្ម និងឧស្សាហកម្មផ្នែកលើកសិកម្មម៉ាឡេស៊ី ថ្មីៗនេះ បានប្រកាសផ្អាកការនាំចូលម្ទេសពីប្រទេសវៀតណាម បន្ទាប់ពីរកឃើញសារធាតុគីមីហួសកម្រិត។ នេះបើតាមការចុះផ្សាយរបស់វេបសាយ Vietnam News កាលពីថ្ងៃទី១៥ ខែតុលា ឆ្នាំ២០១៨។
ជាការឆ្លើយតប ការិយាល័យពាណិជ្ជកម្មវៀតណាមនៅម៉ាឡេស៊ី បានផ្ញើលិខិតទៅកាន់នាយកដ្ឋានដែលពាក់ព័ន្ធ ដើម្បីស្នើក្រសួងកសិកម្ម និងអភិវឌ្ឍន៍ជនបទវៀតណាម ធ្វើការបកស្រាយបំភ្លឺសម្រាប់កសិករវៀតណាម ចំពោះកម្រិតអនុញ្ញាតនៃការប្រើប្រាស់សារធាតុគីមី ដើម្បីសម្លាប់សត្វល្អិត ក្នុងម្ទេស។
គួរបញ្ជាក់ថា ម៉ាឡេស៊ី បានចាប់ផ្ដើមនាំចូលម្ទេសពីវៀតណាម កាលពីឆ្នាំ២០១៦។ ហើយ ម៉ាឡេស៊ី កូរ៉េខាងត្បូង និងចិន ជាអ្នកនាំចូលម្ទេសវៀតណាម ធំជាងគេនៅលើពិភពលោក។
នៅទីផ្សារម៉ាឡេស៊ី ម្ទេសវៀតណាម ត្រូវបានលក់តម្លៃ ០,៩ដុល្លារក្នុងមួយគីឡូក្រាម ខណៈម្ទេសផលិតក្នុងស្រុក លក់ក្នុងតម្លៃ ១,៩ដុល្លារក្នុងមួយគីឡូក្រាម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
