ចិន ថៃ និងម៉ាឡេស៊ី រៀបចំលំហាត់សមយុទ្ធយោធារួមគ្នា

2018-10-16 03:34:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងទ័ពនៃប្រទេសចិន ថៃ និងម៉ាឡេស៊ីបានរៀបចំលំហាត់សមយុទ្ធយោធារួមគ្នា នៅក្នុងប្រទេសម៉ាឡេស៊ី ពីថ្ងៃទី២០ ដល់ ២៩ ខែតុលា ឆ្នាំ២០១៨។ សមយុទ្ធនេះ ឈ្មោះ "សន្ដិភាព និងមិត្តភាពឆ្នាំ២០១៨"។ នេះបើតាមការប្រកាសរបស់ក្រសួងការពារជាតិចិន។

រូបភាព៖ Xinhua

សមយុទ្ធយោធានេះ មានកងទ័ពរំដោះប្រជាជនចិន ៦៩២នាក់ចូលរួម ក៏ដូចជានាវាចម្បាំង ៣គ្រឿង ឧទ្ធម្ភាគចក្រ ២គ្រឿង យន្តហោះយោធា ៣គ្រឿង និងគ្រឿងចក្រ ៤គ្រឿង។

យោងតាមសេចក្តីប្រកាសព័ត៌មានរបស់ក្រសួងការពារជាតិចិនបញ្ជាក់ថា សមយុទ្ធនេះគឺក្នុងគោលបំណងពង្រឹងឆន្ទៈរួមនៃកងកម្លាំងនៃប្រទេសទាំង៣ ក្នុងការរក្សាសន្ដិភាព និងស្ថិរភាពនៅតំបន់សមុទ្រចិនខាងត្បូង ពង្រឹងការផ្លាស់ប្ដូរ និងសហប្រតិបត្តិការជាទម្លាប់ និងលើកកម្ពស់សមត្ថភាពសមត្ថភាពដើម្បីឆ្លើយតបរួមគ្នាទៅនឹងការគំរាមកំហែងសន្ដិសុខនានា៕

ប្រភព៖ Xinhua ប្រែសម្រួល៖ វាសនា