សម្ដេច ហ៊ុន សែន លើកឡើងពីកត្តា៤យ៉ាងដែលញ៉ាំងឲ្យកម្ពុជាចូលជាសមាជិកអាស៊ាន

2018-10-16 06:53:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេចនាយករដ្ឋមន្ត្រី ហ៊ុន សែន មានប្រសាសន៍ថា មូលហេតុដែលកម្ពុជាដាក់អាទិភាពចូលជាសមាជិកអាស៊ានគឺផ្អែកលើកត្តា៤។ ក្នុងនោះរួមមាន៖

ទី-១ គោលការណ៍មិនជ្រៀតជ្រែកកិច្ចការផ្ទៃក្នុង

ទី-២ ស្មារតីសហគមន៍ គឺអ្វីៗសម្រេចដោយកុងសង់ស៊ីស មិនមែនសម្រេចដោយការបោះឆ្នោត ឬមិនមែនសម្រេចដោយការដាក់ទណ្ឌកម្មនោះទេ

ទី-៣ ផលប្រយោជន៍នៃការអភិវឌ្ឍសេដ្ឋកិច្ចសង្គម

ទី-៤ ជាច្រកចេញការទូតរបស់កម្ពុជា។

ការថ្លែងរបស់សម្ដេចនាយករដ្ឋមន្ត្រី ហ៊ុន សែន ត្រូវបានធ្វើឡើងក្នុងការជួបសំណេះសំណាល និងផ្ដល់អនុសាសន៍ដល់ក្រុមប្រតិភូនាវាយុវជនអាស៊ីអាគ្នេយ៍ ចំនួន ២៩រូប នៅវិមានសន្តិភាព នាថ្ងៃទី១៦ ខែតុលា ឆ្នាំ២០១៨នេះ។

សម្ដេចនាយករដ្ឋមន្ត្រី ហ៊ុន សែន ជួបសំណេះសំណាល និងផ្ដល់អនុសាសន៍ដល់ក្រុមប្រតិភូនាវាយុវជនអាស៊ីអាគ្នេយ៍ ចំនួន ២៩រូប នៅវិមានសន្តិភាព នាថ្ងៃទី១៦ ខែតុលា ឆ្នាំ២០១៨នេះ (រូបថត៖ ទំព័រហ្វេសប៊ុកផ្លូវការរបស់សម្ដេច ហ៊ុន សែន)

ក្រុមប្រតិភូនាវាយុវជនអាស៊ីអាគ្នេយ៍ ចំនួន ២៩រូប នឹងធ្វើដំណើររយៈពេល៥២ថ្ងៃ ចាប់ពីថ្ងៃទី២៣ ខែតុលាតទៅ ដែលចាប់ផ្ដើមដំណើរចេញពីប្រទេសជប៉ុន នឹងធ្វើដំណើរឆ្លងកាត់១១ប្រទេស (ប្រទេសជប៉ុន ប្រ៊ុយណេ ប្រទេសហ្វីលីពីន ប្រទេសវៀតណាម ហើយនឹងធ្វើការត្រឡប់ទៅប្រទេសជប៉ុនវិញ)៕

អត្ថបទ៖ លាភ.