ម៉ាឡេស៊ី ដំឡើងថ្លែបារី និងបង្កើនអាយុទិញគ្រឿងស្រវឹង

2018-10-16 08:21:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ម៉ាឡេស៊ី នឹងធ្វើការដំឡើងថ្លៃថ្នាំជក់ (បារី) ចាប់ពីដំណាច់ខែតុលា ឆ្នាំ២០១៨ខាងមុខនេះតទៅ និងសម្រេចបង្កើនអាយុដល់ ២១ឆ្នាំ សម្រាប់អ្នកទិញគ្រឿងស្រវឹង។ នេះបើតាមការបញ្ជាក់ពីក្រសួងសុខាភិបាលម៉ាឡេស៊ី នាថ្ងៃទី១៦ ខែតុលា ឆ្នាំ២០១៨។

ដើមឡើយ ម៉ាឡេស៊ីកំណត់អាយុអ្នកទិញគ្រឿងស្រវឹង ចាប់ពីអាយុ ១៨ឆ្នាំឡើងទៅ។

អ្នកទទួលទានគ្រឿងស្រវឹង១ក្រុម ជល់កែវ (រូបថត៖ The Financial Express)

លោក Dzulkefly Ahmad រដ្ឋមន្ត្រីក្រសួងសុខាភិបាលម៉ាឡេស៊ី បានថ្លែងឲ្យដឹងថា សមាជិកសភាម៉ាឡេស៊ីម្នាក់ និងមនុស្ស ៧នាក់ផ្សេងទៀត ដែលបានជក់បារីក្នុងអគារសភា កាលពីថ្ងៃទី១៥តុលា ត្រូវបានពិន័យជាប្រាក់។ មូលហេតុគឺ ដោយសារតែ ថ្ងៃទី១៥ ខែតុលា ឆ្នាំ២០១៨ ជាថ្ងៃទី១ ដែលសភាម៉ាឡេស៊ីក្លាយជាទីតាំងដែលការជក់បារីត្រូវបានហាមឃាត់។

លោកបន្តថា អ្នកចែកចាយគ្រឿងស្រវឹងទាំងអស់ ត្រូវដាក់ស្លាករំឭកអតិថិជនខ្លួន ពីការផលប៉ះពាល់របស់គ្រឿងស្រវឹង ចំពោះសុខភាព និងតម្រូវឲ្យលក់គ្រឿងស្រវឹង ដាច់ដោយឡែកពីភេសជ្ជៈដទៃទៀត៕

ប្រភព៖ Channelnewsasia ប្រែសម្រួល៖ លាភ.