ចិន ជំរុញឲ្យអាមេរិកឈប់បំផ្លាញសន្ដិភាព និងស្ថិរភាពនៅសមុទ្រចិនខាងត្បូង

2018-10-16 22:51:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសចិន កាលពីថ្ងៃទី១៦ ខែតុលា ឆ្នាំ២០១៨ ម្សិលមិញ បានអំពាវនាវឲ្យអាមេរិកបញ្ឈប់ការបំផ្លាញអធិបតេយ្យ និងសន្ដិសុខ និងជំរុញឲ្យអាមេរិកក្លាយជាអ្នកនាំមកនូវសន្ដិភាព និងស្ថិរភាពនៅសមុទ្រចិនខាងត្បូង មិនមែនជាអ្នកបំផ្លាញនោះទេ។

រូបភាព៖ Xinhua

ការបញ្ជាក់របស់ចិនដូច្នេះ គឺធ្វើឡើងដោយលោក Lu Kang អ្នកនាំពាក្យក្រសួងការបរទេសក្នុងសន្និសីទសារព័ត៌មានមួយបញ្ជាក់ពីជំហររបស់ចិន ខណៈមានការលើកឡើងពីការចោទប្រកាន់របស់អាមេរិកកាលពីពេលថ្មីៗនេះថា ចិនបានពង្រីកកម្លាំងយោធានៅសមុទ្រចិនខាងត្បូង និងបានរំខានដល់នាវាចម្បាំងអាមេរិក ដែលបានធ្វើការហ្វឹកហាត់ "ប្រតិបត្តិការសេរីភាពនៃនាវាចរណ៍"។

អ្នកនាំពាក្យរូបនេះបន្ថែមថា ចិនមានអធិបតេយ្យភាពលើកោះនៅសមុទ្រចិនខាងត្បូង និងដែនទឹកនៅជាប់ទីនោះ ដែលមានន័យថា វាគ្មានបញ្ហាដើម្បីធ្វើសកម្មភាពកសាងសន្ដិភាពនៅទីនោះ រួមទាំងការដំឡើងឧបករណ៍យោធាចាំបាច់ផងដែរ។

ជាមួយគ្នានេះលោកគូសបញ្ជាក់ថា វាគឺជាអាមេរិក អ្នកដែលបញ្ជូនយន្តហោះយោធា និងនាវាចម្បាំងទៅសមុទ្រចិនខាងត្បូងជាញឺកញាប់ក្រោមទង់ "ប្រតិបត្តិការសេរីភាពនៃនាវាចរណ៍" នោះទេ ដែលបានបង្កើតភាពតានតឹង និងកំពុងពង្រីកកម្លាំងយោធា៕

ប្រភព៖ CGTN ប្រែសម្រួល៖ វាសនា