ថៃ កោះហៅកីឡាករ ២៧នាក់ ត្រៀម Suzuki Cup ក្រោយឈ្នះការប្រកួតមិត្តភាពផ្ទួនៗ

2018-10-17 02:47:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រូបង្វឹកក្រុមជម្រើសជាតិថៃ លោក Milovan Rajevac បានកោះហៅកីឡាករចំនួន ២៧នាក់ ដើម្បីត្រៀមចូលរួមប្រកួត AFF Suzuki Cup 2018 នៅខែវិច្ឆិកាខាងមុខនេះ។ ការប្រកាសនេះ ធ្វើឡើងក្រោយពេលក្រុមដំរីថៃ បានយកឈ្នះ ១-០ ទៅលើហុងកុង និងទ្រីនីដេត & តូបាហ្គោ ក្នុងមិត្តភាពអន្តរជាតិថ្មីៗនេះ។

កីឡាករ ២៧នាក់ នឹងត្រូវចម្រាញ់យកត្រឹម ២៣នាក់ មុនពេលក្រុមថៃ ចាប់ផ្តើមការប្រកួតពានរង្វាន់នេះ ក្នុងនាមជាអ្នកការពារតំណែងជើងឯក។ កីឡាករ នឹងត្រូវប្រមូលផ្តុំគ្នាហ្វឹកហាត់នៅជំរុំ នាថ្ងៃទី២៣តុលា ប៉ុន្តែកីឡាករដែលមកពីក្លឹប Chiang Rai United, Burriam United និង Bangkok Glass ត្រូវបានអនុញ្ញាតឱ្យចូលរួមហ្វឹកហាត់ នៅថ្ងៃទី២៩ ខែតុលា បន្ទាប់ពីចប់ភារកិច្ចនៅក្លឹប។

ថៃ លើកពាន Suzuki Cup 2016 (រូបថត៖ Sports247)

សូមបញ្ជាក់ដែរថា កីឡាករឆ្នើមរបស់ថៃ ៤រូប គឺខ្សែបម្រើ Chanathip Songkrasin ខ្សែប្រយុទ្ធ Teerasil Dangda ខ្សែការពារស្លាប Theerathon Bunmathan និងអ្នកចាំទី Kawin Thamsatchanan ដែលកំពុងប្រកបអាជីពនៅក្រៅប្រទេស នឹងគ្មានវត្តមាននៅក្នុងពាននេះឡើយ។ មូលហេតុដោយសារតែ AFF Suzuki Cup រៀបចំឡើង មិនចំពេលវេលាប្រកួតជម្រើសជាតិ ដែល FIFA បានកំណត់ (ចំពេលប្រកួតលីគ)៕

អត្ថបទទាក់ទង៖ AFF Suzuki Cup៖ ថៃ មិនអាចកោះហៅកីឡាករឆ្នើម ៤នាក់ ដែលកំពុងលេងនៅក្រៅប្រទេស

ប្រភព៖ Bangkokpost ប្រែសម្រួល៖ សំភី