អ៊ីស្រាអែល ប្រើយន្តហោះចម្បាំងវាយប្រហារលើតំបន់កាហ្សា នៅព្រឹកនេះ

2018-10-17 06:33:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងទ័ពអាកាសអ៊ីស្រាអែលបានប្រើយន្តហោះចម្បាំងវាយប្រហារលើគោលដៅនានា នាតំបន់កាហ្សា នៅព្រឹកថ្ងៃទី១៧ ខែតុលា ឆ្នាំ២០១៨នេះ។ ការវាយប្រហាររបស់កងទ័ពអាកាសអ៊ីស្រាអែល គឺក្រោយរ៉ុកកែតមួយគ្រាប់ត្រូវបានបាញ់ចូលទៅក្នុងតំបន់ភាគខាងត្បូង នៃទឹកដីអ៊ីស្រាអែល។

រូបភាព៖ Reuters

អ្នករស់នៅតំបន់កាហ្សាបានរាយការណ៍ថា យន្តហោះចម្បាំងអ៊ីស្រាអែលបានវាយប្រហារលើគោលដៅចំនួន៣ ប៉ុន្ដែពុំទាន់មានសេចក្តីរាយការណ៍បឋមពីអ្នករងរបួសនោះទេ។

យោងតាមការបញ្ជាក់របស់កងទ័ពអ៊ីស្រាអែលតាមរយៈ Twitter បានឲ្យដឹងថា "នៅម៉ោង ៤ព្រឹកព្រលឹម ជនជាតិអ៊ីស្រាអែលនៅក្រុង Beer Sheva បានរត់ចូលកន្លែងលាក់ខ្លួន ក្រោយរ៉ុកកែតមួយបានបាញ់ពីតំបន់កាហ្សា ចូលទឹកដីអ៊ីស្រាអែល"។

ក្នុងនោះ ជនជាតិអ៊ីស្រាអែល ៤នាក់បានរងការតក់ស្លុត និងត្រូវបានបញ្ជូនទៅមន្ទីរពេទ្យ ក្រោយការវាយប្រហាររបស់រ៉ុកកែតនោះ៕

ប្រភព៖ Aljazeera ប្រែសម្រួល៖ វាសនា