រមណីយដ្ឋានទេសចរណ៍ធម្មជាតិកោះតាដា ត្រូវបានបើកសម្ពោធជាផ្លូវការហើយ

2018-10-17 07:32:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រមណីយដ្ឋានទេសចរណ៍ធម្មជាតិកោះតាដា ដែលស្ថិតក្នុងស្រុកទឹកឈូ ខេត្តកំពត ត្រូវបានសម្ពោធជាផ្លូវការហើយ នៅព្រឹកថ្ងៃទី១៧ ខែតុលា ឆ្នាំ២០១៨។ ពិធីនេះ ធ្វើឡើងក្រោមអធិបតីភាព លោកទេសរដ្ឋមន្ត្រី ញឹម វណ្ណដា អនុប្រធានទី១នៃគណៈកម្មាធិការជាតិគ្រប់គ្រងគ្រោះមហន្តរាយ និងមានការចូលរួមពីអាជ្ញាធរដែនដី និងប្រជាពលរដ្ឋ រួមទាំងអាជីវករលក់ដូររក្នុងរមណីដ្ឋានទេសចរណ៍នេះផងដែរ។

លោក ញឹម វណ្ណដា កាត់ខ្សែបូសម្ពោធរមណីយដ្ឋានកោះតាដា (រូបថត៖ ផ្តល់ឱ្យ)

បើតាមលោក ញឹម វណ្ណដា រមណីយដ្ឋានទេសចរណ៍ធម្មជាតិកោះតាដា ដែលពីដើមឡើយជាតំបន់ជ្រលងភំ្ន ត្រូវបានចាប់ផ្ដើមធ្វើការអភិវឌ្ឍជាជំហានៗ តាំងពីចុងឆ្នាំ២០១៥ មកម្ល៉េះ។

គិតមកដល់បច្ចុប្បន្ន រមណីយដ្ឋានទេសចរណ៍ធម្មជាតិកោះតាដា ត្រូវបានចំណាយដើមទុនជាច្រើន ក្នុងការរៀបចំកែលំអរ គៀពង្រាបដីតាមចំរៀកភ្នំ ដើម្បីសម្រួលដល់ការធ្វើដំណើរដែលមានប្រវែងផ្លូវចម្ងាយផ្លូវជាង ៣គីឡូម៉ែត្រ ព្រមជាមួយនឹងការរៀបចំដាក់ប្រព័ន្ធ រំដោះទឹក សាងសង់ស្ពាន និងការរៀបចំកន្លែងលំហែកម្សាន្តផងដែរ។

កន្លែងកម្សាន្តមានដូចជា៖ ទឹកធ្លាក់តាដារូងច័ន្ទ ទឹកធ្លាក់តាដាសច្ចំ អាងទំនប់បង្ហៀទឹកសម្រាប់ទឹកងូតតាមថ្នាក់នីមួយៗ ដែលទឹកហូរធ្លាក់ពីជ្រលងភ្នំធម្មជាតិ ទៅតាមតម្រូវការមនុស្សចាស់ យុវវ័យ និងកុមារតូចៗ។

ពាក់ព័ន្ធទៅនឹងគម្រោងអភិវឌ្ឍន៍ រមណីយដ្ឋានទេសចរណ៍ធម្មជាតិកោះតាដានេះដែរ លោកទេសរដ្ឋមន្រ្តី លើកឡើងថា គឺអាស្រ័យលើការកើនឡើងជាលំដាប់នូវចំនួនភ្ញៀវជាតិ និងអន្ដរជាតិ៕