UN ផ្ដល់ចំណាត់ថ្នាក់ល្អមួយដល់កម្ពុជា ក្នុងបេសកកម្មរក្សាសន្តិភាព

2018-10-17 12:06:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អង្គការសហប្រជាជាតិ (UN) បានផ្ដល់ចំណាត់ថ្នាក់លេខ២៩ ក្នុងចំណោមប្រទេសចំនួន ១២២ ដែលបានបញ្ជូនកងកម្លាំងមួកខៀវ ក្នុងបេសកកម្មរក្សាសន្តិភាពរបស់ UN។ នេះបើតាមការឲ្យដឹងពីលោកឧត្តមសេនីយ៍ នាង ផាត រដ្ឋលេខាធិការក្រសួងការពារជាតិ លើកឡើងក្នុងជំនួបពិភាក្សាជាមួយលោក ហ៊ុន ណេង ប្រធានគណៈកម្មការទី៤នៃរដ្ឋសភា នៅព្រឹកថ្ងៃទី១៧ ខែតុលា។

កងកម្លាំងមួកខៀវកម្ពុជា ដើម្បីរក្សាសន្តិសុខក្នុងបេសកកម្មនៃ UN

លោកឧត្តមសេនីយ៍បន្តថា ចាប់តាំងពីឆ្នាំ២០០៦ រហូតដល់បច្ចុប្បន្ន រាជរដ្ឋាភិបាលកម្ពុជា បានបញ្ជូនកងកម្លាំងមួកខៀវរបស់ខ្លួន ទៅបំពេញបេសកកម្មនៅក្រៅប្រទេស មានចំនួន ៥៥៧១នាក់ ក្នុងនោះស្ត្រីចំនួន ២៦៤នាក់ ។

គូរបញ្ជាក់ថា កាលពីខែឧសភា ឆ្នាំ២០១៧ កងកម្លាំងមួកខៀវកម្ពុជាបួនរូប បានពលីជីវិត នៅក្នុងការវាយឆ្មក់មួយ ពីសំណាក់ក្រុមឧទ្ទាមក្នុងសាធារណរដ្ឋអាហ្វ្រិកកណ្តាល។ ចំណែកកាលពីខែមីនា ឆ្នាំ២០១៨ មូលដ្ឋានរបស់កងរក្សាសន្តិភាពកម្ពុជា នៅក្នុងប្រទេសម៉ាលី ក៏ត្រូវបានក្រុមជីវពលវាយប្រហារដែរ តែមិនបង្កឱ្យមានកងកម្លាំងណាមួយរងគ្រោះឡើយ៕

ប្រភព៖ Vayo Fm ប្រែសម្រួល៖ លាភ.