គ្រូបង្វឹកត្រៀមចេញបញ្ជីឈ្មោះជម្រើសជាតិថ្មី ក្រោយធ្វើតេស្តកីឡាករ៣ប្រកួតរួចមក
- 2018-10-18 09:57:24
- ចំនួនមតិ 0 | ចំនួនចែករំលែក 0
គ្រូបង្វឹកត្រៀមចេញបញ្ជីឈ្មោះជម្រើសជាតិថ្មី ក្រោយធ្វើតេស្តកីឡាករ៣ប្រកួតរួចមក
ចន្លោះមិនឃើញ
លោក Felix G. Dalmas គ្រូបង្វឹកក្រុមជម្រើសជាតិកម្ពុជា ចាត់ទុកការប្រកួតមិត្តភាព៣ប្រកួតកន្លងមក គឺជាការធ្វើតេស្ដកីឡាករ ដើម្បីត្រៀមទៅលេងពានរង្វាន់ AFF Suzuki Cup 2018 ដោយបញ្ជីឈ្មោះផ្លូវការថ្មី១ទៀត នឹងត្រូវបញ្ចេញនាប៉ុន្មានថ្ងៃខាងមុខនេះ។ ការប្រមូលផ្ដុំក៏នឹងត្រូវធ្វើឡើងក្រោយការប្រកាសបញ្ជីឈ្មោះថ្មីនោះដែរ។
ការប្រកួតមិត្តភាពអន្តរជាតិរបស់ក្រុមកម្ពុជា ចំនួន៣លើកនាពេលថ្មីៗនេះ គឺលេងនៅក្នុងដីទាំងអស់ ប៉ុន្តែមិនទទួលបានលទ្ធផលល្អឡើយ ពោលគឺបានត្រឹមស្មើ១ និងចាញ់២ប្រកួតឯណោះ។ ក្នុងនោះកម្ពុជា ប្រកួតស្មើទីម័រខាងកើត និងចាញ់ម៉ាឡេស៊ី និងសិង្ហបុរី។
ការប្រកួត ពានរង្វាន់ Suzuki Cup ខាងមុខនេះវិញ នឹងធ្វើឡើងពីថ្ងៃទី ០៨ ខែវិច្ឆិកា ឆ្នាំ ២០១៨ រហូតដល់ថ្ងៃទី ១៥ ខែធ្នូ ឆ្នាំ ២០១៨។ កម្ពុជា ស្ថិតនៅពូលជាមួយវៀតណាម ឡាវ ម៉ាឡេស៊ី និងមីយ៉ាន់ម៉ា៕