ក្រុមISIS គំរាមសម្លាប់ចំណាប់ខ្មាំង ១០នាក់ក្នុងមួយថ្ងៃរហូតទាល់តែអស់

2018-10-19 03:39:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុម ISIS បានចាប់យកចំណាប់ខ្មាំងប្រមាណជិត ៧០០នាក់ ក្នុងប្រទេសស៊ីរី ក្នុងនោះរួមមានទាំងជនជាតិអឺរ៉ុប និងអាមេរិកជាច្រើននាក់ ហើយគំរាមថា នឹងសម្លាប់ ១០នាក់ក្នុង១ថ្ងៃ។ នេះបើតាមការថ្លែងអះអាងរបស់លោកប្រធានាធិបតីរុស្ស៊ី វ្លាឌីមៀ ពូទីន ក្នុងវេទិកាពិភាក្សាមួយ នៅក្រុង Sochi កាលពីថ្ងៃទី១៨ ខែតុលា ឆ្នាំ២០១៨។

លោក ពូទីន ក្នុងវេទិកាពិភាក្សាមួយនៅក្រុង Sochi កាលពីថ្ងៃទី១៨តុលា ២០១៨។ រូបថត៖ Reuters

លោក ពូទីន បានលើកឡើងយ៉ាងដូច្នេះថា៖ «ពួកគេ (ISIS) បានដាក់ចេញឱសានវាទ តម្រូវការជាក់លាក់ ហើយព្រមានថា ប្រសិនបើពួកគេមិនទទួលបាននូវការទាមទារទាំងនេះទេ ពួកគេនឹងសម្លាប់ចំណាប់ខ្មាំង ១០នាក់ជារៀងរាល់ថ្ងៃ។ កាលពីថ្ងៃអង្គារ ពួកគេបានសម្លាប់មនុស្ស ១០នាក់រួចទៅហើយ»។

បើតាមការចុះផ្សាយរបស់សារព័ត៌មានរុស្ស៊ី TASS កាលពីថ្ងៃពុធ សកម្មប្រយុទ្ធ ISIS បានចាប់យកចំណាប់ខ្មាំងទាំងនេះ ពីក្នុងខេត្ត Deir al-Zor ទៅក្រុង Hajin នៃប្រទេសស៊ីរី បន្ទាប់ពីក្រុមជ្រុលនិយមនេះ បានវាយប្រហារជំរំជនភៀសខ្លួន នៅក្នុងតំបន់មួយដែលកាន់កាប់ដោយកងទ័ពអាមេរិក និងសម្ព័ន្ធមិត្ត កាលពីថ្ងៃទី១៣តុលា៕

ប្រភព៖ Reuters ប្រែសម្រួល៖ សំភី