រថភ្លើង៣គ្រឿងដែលបញ្ជាទិញពីម៉ិចស៊ិកូ នឹងមកដល់កម្ពុជា នៅចុងខែវិច្ឆិកា

2018-10-21 03:05:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រថភ្លើងធុនស្រាលថ្មីចំនួន ៣គ្រឿងដែលបញ្ជាទិញពីប្រទេសម៉ិចស៊ីកូ សម្រាប់រត់ពីស្ថានីយភ្នំពេញ ទៅព្រលានយន្តហោះ នឹងមកដល់កម្ពុជា នៅចុងខែវិច្ឆិកា ឆ្នាំ២០១៨ខាងមុខនេះ។ នេះបើតាមការប្រកាសរបស់ក្រុមហ៊ុន រ៉ូយ៉ាល់ រេលវេ កាលពីថ្ងៃទី១៩ ខែតុលា។

ក្រសួងសាធារណការ បានឱ្យដឹងកាលពីពេលកន្លងមកថា រថភ្លើងធុនស្រាលដែលក្រុមហ៊ុន រ៉ូយ៉ាល់ រេលវេ បញ្ជាទិញពីប្រទេសម៉ិចស៊ីកូនេះ គឺមានតម្លៃ ២លានដុល្លារក្នុង១គ្រឿង។

គួររំលឹកថា ខ្សែរថភ្លើងពីស្ថានីយភ្នំពេញ ទៅកាន់ព្រលានយន្តហោះអន្តរជាតិភ្នំពេញ ប្រវែង ១០គីឡូម៉ែត្រ ត្រូវបានដាក់ឲ្យដំណើរការ កាលពីព្រឹកថ្ងៃទី១០ ខែមេសា ឆ្នាំ២០១៨។ ការដឹកជញ្ជូនអ្នកដំណើរនេះ គឺប្រើប្រាស់រថភ្លើងដែលមានស្រាប់របស់ក្រុមហ៊ុន រ៉ូយ៉ាល់ រេលវេ៕

សូមទស្សនារូបភាពផ្នែកខាងក្រៅ និងខាងក្នុងនៃរថភ្លើងនេះ ដែលបង្ហោះនៅលើទំព័រហ្វេសប៊ុកក្រុមហ៊ុន រ៉ូយ៉ាល់ រេលវេ៖