មហាធៀ៖ អំពើពុករលួយជារឿងអតីតកាលក្នុងប្រទេសម៉ាឡេស៊ី
- 2018-10-22 02:51:49
- ចំនួនមតិ 0 | ចំនួនចែករំលែក 0
មហាធៀ៖ អំពើពុករលួយជារឿងអតីតកាលក្នុងប្រទេសម៉ាឡេស៊ី
ចន្លោះមិនឃើញ
លោក មហាធៀ មហាម៉ាត់ នាយករដ្ឋមន្រ្តីម៉ាឡេស៊ីបានលើកឡើងថា អំពើពុករលួយក្នុងប្រទេសម៉ាឡេស៊ីបានក្លាយជារឿងអតីតកាល ក្រោយការផ្លាស់ប្ដូរក្នុងរដ្ឋាភិបាល។ ការបញ្ជាក់របស់លោកនាយករដ្ឋមន្រ្តីម៉ាឡេស៊ី បានធ្វើឡើងក្នុងបទសម្ភាសន៍ជាមួយទូរទស្សន៍ Astro Awani កាលពីថ្ងៃទី២១ ខែតុលា ឆ្នាំ២០១៨ ម្សិលមិញ។
លោកបន្ថែមថា "ប្រសិនយើងទៅបរទេស គ្មាននរណាសួរយើងថាតើប្រទេសយើងកំពុងដំណើរការយ៉ាងម៉េចហើយទៀតនោះទេ? នេះដោយសារនៅពេលយើងផ្លាស់ប្ដូររដ្ឋាភិបាលចាស់ យើងលុបបំបាត់អំពើពុករលួយ"។
លោក មហាធៀ បានបញ្ជាក់ថា កិច្ចខិតខំរបស់រដ្ឋាភិបាលក្នុងការលុបបំបាត់អំពើពុករលួយបានទទួលជោគជ័យ។ លោកថា "អំពើពុលរលួយគឺស្ទើតែគ្មានទៀតនោះទេ ខណៈមានការភ័យខ្លាចចំពោះច្បាប់។ នេះគឺជាជោគជ័យដ៏ធំមួយ... យើងមិនមានមន្រ្តីរដ្ឋាភិបាលដែលកំពុងបង្កើតចំណូល តាមរយៈអំពើពុករលួយនោះទេ"។
សូមបញ្ជាក់ថា លោក មហាធៀ បានឈ្នះការបោះឆ្នោត កាលពីខែឧសភា ឆ្នាំ២០១៨ ដោយសន្យាប្រឆាំងអំពើពុករលួយ និងកំណែទម្រង់ស្ថាប័ន។ លោកបានរិះគន់រដ្ឋាភិបាលមុនរបស់លោក រ៉ាជីប ណាហ្សាក់ ថាបានបង្កើតអំពើពុករលួយយ៉ាងខ្លាំងក្នុងប្រទេសម៉ាឡេស៊ី៕