ក្រុមហ៊ុនអចលនទ្រព្យចិនមួយ គ្រោងបង្កើនទុនវិនិយោគដល់ ៦ពាន់លានដុល្លារនៅកម្ពុជា

2018-10-22 03:41:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន ព្រីនស៍ រៀល អ៊ីស្ទេត គ្រុប គ្រោងនឹងបង្កើនទុនវិនិយោគ ឱ្យបានដល់ ៦ពាន់លានដុល្លារក្នុងរយៈពេល១០ឆ្នាំបន្ទាប់ ក្នុងឧស្សាហកម្មសំណង់នៅកម្ពុជា ខណៈបច្ចុប្បន្ននេះ ក្រុមហ៊ុនបានប្រមូលទិញដីទុក សម្រាប់ធ្វើការវិនិយោគទាំងនៅរាជធានីភ្នំពេញ ខេត្តព្រះសីហនុ និងសៀមរាបផងដែរ។ នេះបើតាមការថ្លែងរបស់លោក ឈីវ គួរ ស៊ីញ ដែលជាប្រធានប្រតិបត្តិក្រុមប្រឹក្សាភិបាលនៃក្រុមហ៊ុននេះ។

លោកបានឱ្យដឹងថា ក្នុងរយៈពេល៣ឆ្នាំ នៃវត្តមានរបស់ក្រុមហ៊ុនអចលនទ្រព្យចិនមួយនេះនៅកម្ពុជា ក្រុមហ៊ុនបានបោះទុនវិនិយោគសរុបប្រមាណជាង ១២០០លានដុល្លារទៅលើគម្រោងអគារខុនដូធំៗ និងមជ្ឈមណ្ឌលពាណិជ្ជកម្ម។ ក្នុងនោះ គម្រោងធំៗចំនួនបី បាននឹងកំពុងលេចចេញជារូបរាងបណ្ដើរៗ ហើយក្នុងរាជធានីភ្នំពេញ និងបីគម្រោងធំៗទៀត ក៏បាននឹងកំពុងវិនិយោគនៅខេត្តព្រះសីហនុ ផងដែរ។

អគារមួយរបស់ក្រុមហ៊ុន ព្រីនស៍ រៀល អ៊ីស្ទេត ដែលស្ថិតនៅតាមបណ្តោយមហាវិថីព្រះនរោត្តម (រូបថត៖ ដើមអម្ពិល)

បើតាមលោកប្រធានប្រតិបត្តិ វត្តមានរបស់ក្រុមហ៊ុនព្រីនស៍ រៀល អ៊ីស្ទេត នៅក្នុងទីផ្សារអចលនទ្រព្យ នៅកម្ពុជានាពេលនេះ គឺកើតចេញពីគោលនយោបាយ ខ្សែក្រវាត់មួយផ្លូវមួយរបស់ចិន ដែលបានបើកឱកាស និងលើកទឹកចិត្តឱ្យអ្នកវិនិយោគិនចិនជាច្រើន មកវិនិយោគនៅកម្ពុជា៕