គីម ជុងអ៊ុន ចាយអស់ ៤ពាន់លានដុល្លារ ទិញរបស់មានតម្លៃ ក្នុងរយៈពេល៦ឆ្នាំ
- 2018-10-22 09:16:22
- ចំនួនមតិ 0 | ចំនួនចែករំលែក 0
គីម ជុងអ៊ុន ចាយអស់ ៤ពាន់លានដុល្លារ ទិញរបស់មានតម្លៃ ក្នុងរយៈពេល៦ឆ្នាំ
ចន្លោះមិនឃើញ
កូរ៉េខាងជើង បានចំណាយទឹកប្រាក់យ៉ាងហោចណាស់ ៤ពាន់លានដុល្លារ នៅលើរថយន្តទំនើប នាឡិកាប្រណិត និងគ្រឿងអលង្ការ គិតចាប់តាំងពីលោក គីម ជុងអ៊ុន ឡើងកាន់អំណាចនៅឆ្នាំ២០១២។ នេះបើយោងតាមការវិភាគនៅក្នុងទិន្នន័យគយរបស់ប្រទេសចិន។
ប្រភពដដែល បញ្ជាក់ថា របស់ទាំងនោះត្រូវបានទិញប្រើដោយផ្ទាល់ដោយក្រុមគ្រួសារលោក គីម ឬទិញជាកាដូសម្រាប់លើកទឹកចិត្តក្រុមមន្ត្រីស្មោះត្រង់។
កាលពីឆ្នាំ២០១៧ កូរ៉េខាងជើង ចាយថវិកាអស់ ៦៤០,៨លានដុល្លារ នៅលើវត្ថុប្រណិត បើទោះជាមានការដាក់ទណ្ឌពីអន្តរជាតិ ហាមឃាត់មិនឲ្យលក់ទំនិញរបស់ខ្លួនទៅកាន់ប្រទេសដទៃក៏ដោយ។ ទំហំទឹកប្រាក់នេះស្មើនឹង ១៧,៨% នៃការនាំចូលរបស់កូរ៉េខាងជើងពីប្រទេសចិន ដែលមានតម្លៃសរុប ៣,៧ពាន់លានដុល្លារ។
ទាក់ទិននឹងទិន្នន័យបង្ហាញដោយចិននេះ លោក Yoon Sang-hyun សមាជិករដ្ឋសភាកូរ៉េខាងត្បូង បាននិយាយថា ចំនួនទឹកប្រាក់ជាក់លាក់ដែលកូរ៉េខាងជើងចំណាយនោះគឺ ៤,០៤ពាន់លានដុល្លារ ចន្លោះពីឆ្នាំ២០១២ ដល់ឆ្នាំ២០១៧ ទៅលើរបស់របរជាច្រើនដូចជា៖
គ្រឿងអេឡិចត្រូនិច ២ពាន់លានដុល្លារ រថយន្តទំនើប ១,៤ពាន់លានដុល្លារ ស្រា ១៦៥លានដុល្លារ ឧបករណ៍អុបទិក ១៤៧លានដុល្លារ ទឹកអប់ និងគ្រឿងសម្អាង ៥២,៥លានដុល្លារ នាឡិកា ៤៩លានដុល្លារ ផលិតផលស្បែកសត្វ ៤៨លានដុល្លារ អាវរោមសត្វ ៤៧លានដុល្លារ កម្រាលព្រំប្រណិត ៣៧,៦លានដុល្លារ ទូកកម្សាន្ត ៣៦លានដុល្លារ ឧបករណ៍តន្ត្រី ១២,៤លានដុល្លារ គ្រឿងអលង្ការ ៧,១១លានដុល្លារ៕