ហ្វីលីពីន ទិញអង្ករជិត៥ម៉ឺនតោនពីប្រទេសក្នុងតំបន់ចំនួន ២
- 2018-10-24 03:45:13
- ចំនួនមតិ 0 | ចំនួនចែករំលែក 0
ហ្វីលីពីន ទិញអង្ករជិត៥ម៉ឺនតោនពីប្រទេសក្នុងតំបន់ចំនួន ២
ចន្លោះមិនឃើញ
អាជ្ញាធរចំណីអាហារហ្វីលីពីន ហៅកាត់ NFA បានប្រកាសថា ហ្វីលីពីននឹងនាំចូលអង្ករពីក្រុមហ៊ុន៣ ដែលមានប្រភពពីប្រទេស វៀតណាម និងថៃ ជិត៥ម៉ឺនតោន បន្ទាប់ពីការដេញថ្លៃមួយដែលមានក្រុមហ៊ុនអង្ករនានាចូលរួមកាលពីសប្ដាហ៍មុន។ នេះបើតាមកាលចុះផ្សាយរបស់វេបសាយ Vietnam Plus នៅថ្ងៃទី២៤ ខែតុលា ឆ្នាំ២០១៨។
Vietnam Plus បានឲ្យដឹងថា ក្រុមហ៊ុនវៀតណាមចំនួន២ គឺ Vietnam Northern Food Corporation (Vinafood 1) និង Vietnam Southern Food Corporation (Vinafood 2) នឹងនាំអង្ករ ២៩០០០តោន ក្នុងតម្លៃ ៤២៨ដុល្លារអាមេរិកក្នុងមួយតោន ទៅកាន់ហ្វីលីពីន។ ហើយក្រុមហ៊ុនថៃ Thai Capital Corps Co., Ltd នឹងនាំចេញ ១៨០០០តោន ក្នុងតម្លៃ ៤២៦,៣ដុល្លារក្នុងមួយតោន។
សូមជម្រាបថា ក្រុមហ៊ុនចំនួន ១៣ បានចូលរួមដេញថ្លៃការនាំចេញអង្ករទៅកាន់ហ្វីលីពីន ខណៈប្រទេសនេះ ត្រូវការអង្ករច្រើនពីប្រភពផ្សេងៗ ក្រោយពីការបន្ធូរបន្ថយលក្ខខណ្ឌនាំចូលអង្ករ ដោយសារកំណើនអតិផរណា។ ក្នុងឆ្នាំ២០១៨ គិតមកទល់ពេលនេះ ហ្វីលីពីន បាននាំចូលអង្ករ ២,៤លានតោន។ កាលពីឆ្នាំ២០១០ ហ្វីលីពីន បាននាំចូល ២,៤៥លានតោន ដែលជាកំណត់ត្រានាំចូលអង្ករច្រើនបំផុតក្នុងមួយឆ្នាំរបស់ខ្លួន៕