Airbus បញ្ជូនឧទ្ធម្ភាគចក្រយោធា២គ្រឿង ទៅដល់ទឹកដីថៃ
- 2018-10-25 06:40:03
- ចំនួនមតិ 0 | ចំនួនចែករំលែក 0
Airbus បញ្ជូនឧទ្ធម្ភាគចក្រយោធា២គ្រឿង ទៅដល់ទឹកដីថៃ
ចន្លោះមិនឃើញ
កងទ័ពអាកាសភូមិន្ទថៃ បានទទួលយកឧទ្ធម្ភាគចក្រចំនួន ២គ្រឿងពីក្រុមហ៊ុនបារាំង Airbus កាលពីពេលថ្មីៗកន្លងទៅ។ វាមានម៉ាក H225M ជាប្រភេទឧទ្ធម្ភាគចក្រយោធាដឹកជញ្ជូនរយៈចម្ងាយឆ្ងាយ ដែលថៃបានចុះកិច្ចសន្យាទិញកាលពីឆ្នាំ២០១៦។
ចាប់តាំងពីឆ្នាំ២០១២ កងទ័ពអាកាសភូមិន្ទថៃ បានបញ្ជាទិញឧទ្ធម្ភាគចក្រចំនួនសរុប ១២គ្រឿងពី Airbus ដើម្បីជាផ្នែកមួយនៃការធ្វើទំនើបកម្មកងទ័ព។ បូកបញ្ចូលទាំង២គ្រឿងថ្មី ថៃនាពេលបច្ចុប្បន្នទទួលបានឧទ្ធម្ភាគចក្រ H225M ចំនួន ៨គ្រឿងហើយ សម្រាប់ប្រើដឹកជញ្ជូនកងទ័ព ព្រមទាំងធ្វើបេសកកម្មរុករក និងជួយសង្គ្រោះជាដើម។
H225M ដែលពីមុនត្រូវគេហៅថា EC725 មានលក្ខណៈជាច្រើនដូចជា ភាពរឹងមាំល្អ ល្បឿនលឿន ឧបករណ៍អេឡិចត្រូនិចទំនើបៗចុងក្រោយបំផុត និងប្រព័ន្ធហោះហើរដោយស្វ័យប្រវត្តិ។
សូមជម្រាបថា សព្វថ្ងៃ ឧទ្ធម្ភាគចក្រ H225M ចំនួនជិត ៩០គ្រឿងរបស់ Airbus កំពុងដំណើរការនៅក្នុងប្រទេសចំនួន ៦ ហើយរយៈពេលហោះហើរសរុបគឺលើសពី ១០ម៉ឺនម៉ោងឯណោះ៕