ភាពយន្តខ្លី ៤០រឿង ត្រៀមប្រកួតក្នុងមហោស្រពភាពយន្តជាតិខ្នាតខ្លីកម្ពុជា
- 2018-10-30 07:11:18
- ចំនួនមតិ 0 | ចំនួនចែករំលែក 0
ភាពយន្តខ្លី ៤០រឿង ត្រៀមប្រកួតក្នុងមហោស្រពភាពយន្តជាតិខ្នាតខ្លីកម្ពុជា
ចន្លោះមិនឃើញ
ភាពយន្តខ្លីចំនួន ៤០ ចំណងជើង ដែលផលិតដោយផលិតករខ្មែរវ័យក្មេង ត្រៀមប្រកួតពានរង្វាន់ទឹកប្រាក់ចំនួន ១២ លានរៀល ក្នុងមហោស្រពភាពយន្តជាតិខ្នាតខ្លីកម្ពុជា លើកទី២ ដែលរៀបចំដោយនាយកដ្ឋានភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈ។
លោក ប៉ុក បុរក្ស ប្រធាននាយកដ្ឋានភាពយន្ត និងផ្សព្វផ្សាយវប្បធម៌ បានប្រាប់ឱ្យដឹងថា ស្នាដៃភាពយន្តខ្លីទាំង ៤០ចំណងជើង ត្រូវបានផលិតឡើងដោយការច្នៃប្រឌិត ភាពប៉ិនប្រសប់ និងបង្កប់នូវខ្លឹមសារ-រូបភាព អប់រំ។
ភាពយន្តទាំង ៤០ ចំណងជើង នឹងត្រូវជ្រើសយក ៣ចំណងជើងប៉ុណ្ណោះ សម្រាប់ពានរង្វាន់លេខ ១ លេខ ២ និងលេខ ៣ ជាជយលាភីឆ្នើមក្នុងព្រឹត្តិការណ៍មហោស្រពជាតិភាពយន្តខ្នាតខ្លីលើកទី២ ឆ្នាំ២០១៨ ដែលនឹងប្រព្រឹត្តក្នុងខែវិច្ឆិកា ខាងមុខនេះ។
លោក ប៉ុក បុរក្ស អំពាវនាវសូមប្រជាពលរដ្ឋខ្មែរចូលរួមក្នុងព្រឹត្តិការណ៍ដ៏មានអត្ថន័យមួយនេះ ឲ្យបានច្រើនកុះករ ដើម្បីលើកកម្ពស់វិស័យភាពយន្ត ពិសេសយុវវ័យ ស្របតាមពាក្យស្លោក «ភាពយន្តខ្នាតខ្លី ជាជំហានឆ្ពោះទៅកាន់ភាពយន្តខ្នាតវែង»៕
សូមទស្សនាវីដេអូខ្លី ផលិតដោយនាយកដ្ឋានភាពយន្ត និងផ្សព្វផ្សាយវប្បធម៌ ដូចខាងក្រោម៖