នាយករដ្ឋមន្រ្តីថៃ ប្រកាសពេលលើកលែងបម្រាមលើរាល់សកម្មភាពនយោបាយ

2018-10-30 09:59:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ប្រាយុទ្ធ ចាន់អូចា នាយករដ្ឋមន្រ្តីថៃ បានប្រកាសនៅថ្ងៃទី៣០ ខែតុលា ឆ្នាំ២០១៨នេះ បានប្រកាសថា ការលើកលែងបម្រាមលើសកម្មភាពនយោបាយ នឹងធ្វើឡើងនៅខែធ្នូ ឆ្នាំ២០១៨ ខាងមុខនេះ។ ការលើកលែងបម្រាមនេះ គឺដើម្បីចូលរួមការបោះឆ្នោតឆ្នាំ២០១៩ ខាងមុខ។

លោក ប្រាយុទ្ធ ចាន់អូចា នាយករដ្ឋមន្រ្តីថៃ/ រូបភាព៖ Reuters

រដ្ឋាភិបាលយោធាបានដាក់ការរឹតបន្ដឹងរាល់សកម្មភាពនយោបាយ ចាប់តាំងពីរដ្ឋប្រហារឆ្នាំ២០១៤ ដែលរដ្ឋាភិបាលថៃអះអាងថា ជាភាពចាំបាច់សម្រាប់សន្ដិភាព និងសណ្ដាប់ធ្នាប់ ក្រោយការតវ៉ាអស់រយៈពេលជាច្រើនខែនៅតាមដងផ្លូវប្រឆាំងនឹងរដ្ឋាភិបាលលោកស្រី យីងឡាក់ ស៊ីណាវ៉ាត្រា។

សូមបញ្ជាក់ថា កាលពីខែកញ្ញា ឆ្នាំ២០១៨ កន្លងទៅ រដ្ឋាភិបាលថៃបានលើកលែងលើការរឹតបន្ដឹងមួយចំនួន ដោយអនុញ្ញាតឲ្យគណបក្សនយោបាយរៀបចំដំណើរការឡើងវិញ ឆ្ពោះទៅការបោះឆ្នោតនៅឆ្នាំ២០១៩ ខាងមុខ។ ប៉ុន្ដែបម្រាបលើការប្រមូលផ្ដុំតាមទីសាធារណៈ ដែលមានមនុស្សច្រើនជាង ៥នាក់ និងយុទ្ធនាការនយោបាយ នៅបន្ដរក្សាដដែល៕

ប្រភព៖ Channelnewsasia ប្រែសម្រួល៖ វាសនា