មន្ត្រីបច្ចេកទេស រកពុំឃើញសារធាតុគីមី ក្នុងបន្លែដែលនាំចូលពីវៀតណាមទេ

2018-11-01 02:08:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ត្រីបច្ចេកទេស នៃអគ្គនាយកដ្ឋានកាំកុងត្រូល បានឲ្យដឹងថា ឆ្លងកាត់ការពិសោធលើបន្លែចម្រុះដែលត្រូវបាននាំចូលពីប្រទេសវៀតណាម គឺមិនបានរកឃើញសារធាតុគីមីហាមឃាត់ នៅក្នុងបន្លែណាមួយទេ។ នេះបើតាមទំព័រហ្វេសប៊ុកផ្លូវការរបស់អគ្គនាយកដ្ឋានកាំកុងត្រូល ចុះផ្សាយកាលពីថ្ងៃទី៣១ ខែតុលា ឆ្នាំ២០១៨។

មន្ត្រីបច្ចេកទេស នៃអគ្គនាយកដ្ឋានកាំកុងត្រូល កំពុងត្រួតពិនិត្យបន្លែដែលនាំចូលពីប្រទេសវៀតណាម

មន្ត្រីកាំកុងត្រូលច្រកទ្វារព្រំដែនអន្តរជាតិជ្រៃធំ បានធ្វើការត្រួតពិនិត្យបន្លែចម្រុះ ដែលនាំចូលតាមច្រកទ្វារព្រំដែនអន្តរជាតិជ្រៃធំ និងបានដកយកគំរូបន្លែ បញ្ជូនទៅ នាយកដ្ឋានមន្ទីរពិសោធន៍អគ្គនាយកដ្ឋានកាំកុងត្រូល ដើម្បីពិសោធ កាលពីថ្ងៃទី៣១ ខែតុលា ឆ្នាំ២០១៨។

បន្លែចម្រុះទាំងនោះ រួមមាន៖ សណ្ដែកគួរ ត្រទ្បាច ពោតបារាំង ស្លឹកខ្ទឹម ស្លឹកកាឆាយ ប៉េងប៉ោះ ម្រះ ត្រប់វែង ម្ទេស ននោង ស្ពៃធ្វើជ្រក់ ពពាយ ស្ពៃក្ដោប និងផ្លែឃ្លោក៕