វៀតណាម ចង់ប្រែក្លាយខ្លួនជាមជ្ឈមណ្ឌលផលិតធំបំផុតរបស់ Samsung
- 2018-11-01 03:07:42
- ចំនួនមតិ 0 | ចំនួនចែករំលែក 0
វៀតណាម ចង់ប្រែក្លាយខ្លួនជាមជ្ឈមណ្ឌលផលិតធំបំផុតរបស់ Samsung
ចន្លោះមិនឃើញ
លោក Nguyen Xuan Phuc នាយករដ្ឋមន្ត្រីវៀតណាម បានស្នើឲ្យក្រុមហ៊ុន Samsung ដែលមានប្រភពពីកូរ៉េខាងត្បូង ធ្វើការបង្កើនការវិនិយោគ និងប្រែក្លាយប្រទេសវៀតណាមទៅជាមជ្ឈមណ្ឌលនៃការផលិតធំបំផុតរបស់ខ្លួន។ សំណើរបស់នាយករដ្ឋមន្ត្រីវៀតណាម ធ្វើឡើងក្នុងជំនួបពិភាក្សាជាមួយលោក Lee Jae-yong អនុប្រធាន Samsung នៅក្រុងហាណូយ កាលពីថ្ងៃទី៣១ ខែតុលា ឆ្នាំ២០១៨។
អនុប្រធាន Samsung បានឲ្យដឹងថា វៀតណាមបានជួយលើការបណ្ដុះបណ្ដាលធនធានមនុស្ស ហើយក្រុមហ៊ុនខ្លួននឹងពង្រីកទំហំនៃការវិនិយោគលើការផលិតគ្រឿងបង្គំ នៅវៀតណាម។ ជាងនេះ Samsung នឹងធ្វើឲ្យមានប្រសិទ្ធភាពថែមទៀតលើការស្រាវជ្រាវ និងការអភិវឌ្ឍ នៅវៀតណាម។
សូមជម្រាបថា កន្លងមក Samsung បានសហការជាមួយក្រុមហ៊ុនក្នុងប្រទេសវៀតណាម ដើម្បីផលិតគ្រឿងបង្គំ និងការអភិវឌ្ឍធនធានមនុស្ស។ តាមបទពិសោធលើផ្នែកបច្ចេកវិទ្យាឧស្សាហកម្ម ៤.០ និងពាណិជ្ជកម្មអេឡិចត្រូនិក (e-commerce) Samsung ក៏នឹងយកបទពិសោធទាំងនេះទៅចែករំលែកឲ្យវៀតណាមផងដែរ៕
អត្ថបទទាក់ទង ម្ចាស់រោងចក្រដំឡើងផលិតផល Apple គ្រោងផ្លាស់ទីតាំងមកកាន់អាស៊ីអាគ្នេយ៍