ប្រទេសថៃ កំពុងរៀបចំយករូបចម្លាក់បុរាណចំនួន៦០ ពីបរទេសមកវិញ

2018-11-01 03:16:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសថៃរំពឹងថា នឹងយករូបចម្លាក់បុរាណចំនួន៦០ ពីបរទេសត្រឡប់មកវិញ។ នេះបើតាមការប្រកាសរបស់ក្រសួងវប្បធម៌ថៃ កាលពីថ្ងៃទី៣១ ខែតុលា ឆ្នាំ២០១៨ ម្សិលមិញ។

រូបភាព៖ The Nation

“គណៈកម្មាធិការរបស់ក្រសួងបានអំពាវនាវឱ្យមានការបញ្ជូនត្រឡប់មកវិញនួវរូបចម្លាក់រាប់សិប ដែលមានប្រភពនៅប្រទេសថៃ ពីសារមន្ទីអាមេរិក និងអង់គ្លេស"។ នេះបើតាមការបញ្ជាក់របស់លោក Vira Rojpojchanarat រដ្ឋមន្រ្តីក្រសួងវប្បធម៌ថៃ ក្នុងសន្និសីទកាសែត នៅក្នុងបណ្ណាល័យជាតិ នៅក្នុងក្រុងបាងកក។

“ក្រោយការស៊ើបអង្កេតក្នុងគោលបំណងយករូបចម្លាក់រាប់រយពីអាមេរិក យើងរំពឹងថា នឹងយកត្រឡប់មកវិញនូវរូបចម្លាក់ជាង៦០ នៅក្នុងពេលឆាប់ៗនេះ"។ លោករដ្ឋមន្រ្តីរូបនេះបន្ថែម។

លោករដ្ឋមន្រ្តីវប្បធម៌ថៃបន្ដថា រដ្ឋាភិបាលលោក ប្រាយុទ្ធ ចាន់អូចា បានអំពាវនាវឱ្យយកត្រឡប់មកវិញនូវរូបចម្លាក់ចំនួន ៧០៥ ទៀត ពីសារមន្ទីនៅអាមេរិក និងអូស្រ្ដាលី។

លោក Ananda Chuchoti ប្រធាននាយកដ្ឋានវិចិត្រសិល្បៈ នៃក្រសួងវប្បធម៌ថៃ បញ្ជាក់ថា បុរាណវត្ថុដែលត្រូវយកត្រឡប់មកវិញនោះ រួមមានទាំងរូបចម្លាក់ព្រះពុទ្ធ ១៨អង្គ ដែលនៅក្នុងសារមន្ទីនានា ក្នុងសហរដ្ឋអាមេរិក។ លោកបញ្ជាក់ថា រដ្ឋាភិបាលថៃបានផ្ដល់រូបភាព និងការបញ្ជាក់ផ្សេងទៀតទៅក្រសួងសន្ដិសុខផ្ទៃក្នុងរបស់អាមេរិករួចចរាល់ហើយ សម្រាប់ការស្នើសុំ៕

ប្រភព៖ The Nation ប្រែសម្រួល៖ វាសនា