អតីតព្រះនាងជប៉ុន Ayako ស្លៀករ៉ូបសូត្រត្បាញនៅកម្ពុជា ក្នុងថ្ងៃជប់លៀងមង្គលការ

2018-11-01 08:29:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វាពិតជារឿងដ៏គួរឲ្យភ្ញាក់ផ្អើល ប៉ុន្ដែអាចនិយាយបានថាជាការស្រឡាញ់ក៏ថាបាន ដែលអតីតព្រះនាងជប៉ុន Ayako ជាកូនស្រីបងប្អូនជីដូនមួយអធិរាជជប៉ុន Akihito បានសម្រេចជ្រើសរើសយកសូត្រត្បាញនៅកម្ពុជា ធ្វើជារ៉ូបយ៉ាងស្រស់ស្អាត គ្រងក្នុងពិធីជប់លៀងរៀងអភិសេករបស់ទ្រង់ កាលពីថ្ងៃទី៣០ ខែតុលាកន្លងទៅ។

សូត្រពណ៌ផ្កាឈូកនេះ ជារបស់អ្នកស្រី Kimie ម្ដាយរបស់ Ayako។ អ្នកស្រី បានទទួលកាដូសូត្រនោះ ពីអង្គការកុមារគ្មានព្រំដែន (Kokkyo naki Kodomotach) កាលពីឆ្នាំ ២០១៤។

ព្រះនាង Ayako ក្នុងថ្ងៃជប់លៀងរៀបអភិសេក។ រ៉ូបខាងក្នុងពណ៌ផ្កាឈូករបស់ព្រះនាង ជារ៉ូបសូត្រ ត្បាញនៅកម្ពុជា

សូមបញ្ជាក់ថា ព្រះនាង Ayako ដែលបច្ចុប្បន្នប្ដូរឈ្មោះជាអ្នកស្រី Moriya មានអាយុ២៨ឆ្នាំ។ ចំណែកស្វាមី ឈ្មោះលោក Kei Moriya មានអាយុ៣២ឆ្នាំ ធ្វើការនៅក្រុមហ៊ុនដឹកជញ្ជូនល្បីឈ្មោះមួយរបស់ជប៉ុន។ អ្នកទាំងពីរបានរៀបការកាលពីថ្ងៃទី២៩ ខែតុលា ហើយនៅថ្ងៃទី៣០ តុលា បានរៀបចំពិធីជប់លៀង ដោយមានការចូលរួមពិសមាជិកសែរាជវង្ស និងឥស្សរជននយោបាយចូលរួមប្រមាណ៧០រូប ក្នុងនោះមាននាយករដ្ឋមន្ដ្រីជប៉ុនលោកស៊ីនហ្ស៊ូ អាបេ ផងដែរ។

អ្នកទាំងពីរស្គាល់គ្នាតាមរយៈការណែនាំពីម្ដាយព្រះនាង Ayako ដែលជាមិត្ដភក្ដិម្ដាយលោក Moriya កាលពីចុងឆ្នាំមុន។ ក្រោយពីរៀបអភិសេក ព្រះនាងត្រូវចាកចេញពីសែរាជវង្សជប៉ុន និងក្លាយជាជនសាមញ្ញម្នាក់ ប៉ុន្ដែយ៉ាងណាក៏ដោយនេះគឺជាការសម្រេចចិត្ដដោយក្ដីរីករាយ៕

ប្រភព៖ Vayo Fm ប្រែសម្រួល៖ សុខ សុវត្ថិ