រដ្ឋបាលរាជធានី ហាម និងស្នើឲ្យផ្អាករឿង ២យ៉ាង នៅថ្ងៃឯករាជ្យជាតិ ៩ វិច្ឆិកា
- 2018-11-07 03:05:57
- ចំនួនមតិ 0 | ចំនួនចែករំលែក 0
រដ្ឋបាលរាជធានី ហាម និងស្នើឲ្យផ្អាករឿង ២យ៉ាង នៅថ្ងៃឯករាជ្យជាតិ ៩ វិច្ឆិកា
ចន្លោះមិនឃើញ
រដ្ឋបាលរាជធានីភ្នំពេញ បានចេញសេចក្តីជូនដំណឹងរបស់ខ្លួននៅថ្ងៃទី៧ ខែវិច្ឆិកា ឆ្នាំ២០១៨នេះ ដោយបានស្នើឲ្យផ្អាក និងហាមមិនឲ្យធ្វើរឿង ២យ៉ាង នៅថ្ងៃទី៩ វិច្ឆិកា ២០១៨ ដែលជាទិវាបុណ្យឯករាជ្យជាតិ និងទិវាកំណើតនៃកងយោធពលខេមរភូមិន្ទ។
ដើម្បីធានាសន្តិសុខ សុវត្ថិភាព សណ្ដាប់ធ្នាប់សាធារណៈ រដ្ឋបាលរាជធានីភ្នំពេញបានធ្វើការណែនាំដូចខាងក្រោម៖
១. ស្នើឲ្យម្ចាស់អាជីវកម្មកំពង់ផែ ផែបណ្ដែតទឹក ទូក ក្បួន កាណូតទេសចរណ៍ និងជលយន្តគ្រប់ប្រភេទទាំងអស់ ផ្អាកការធ្វើចរាចរនៅតាមដងទន្លេសាប និងទន្លេចតុមុខ ចាប់ពីផ្សាររាត្រី ដល់ព្រំប្រទល់កោះពេជ្រ នាថ្ងៃទី៩ វិច្ឆិកា ពីម៉ោង ៥ទៀបភ្លឺ រហូតដល់ម៉ោង ១២ថ្ងៃត្រង់។
២. ហាមការបង្ហោះដ្រូន នៅជុំវិញទីតាំងប្រារព្ធពិធី មុខព្រះបរមរាជវាំង វិមានឯករាជ្យ និងតាមបណ្ដាយផ្លូវសុធារស៕