វៀតណាម ចាប់ផ្ដើមដាក់លក់ម៉ូតូអគ្គិសនីដំបូងរបស់ខ្លួន

2018-11-07 03:35:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុនផលិតយានយន្តក្នុងស្រុក VinFast របស់ប្រទេសវៀតណាម បានចាប់ផ្ដើមការលក់ម៉ូតូអគ្គិសនី ម៉ូដែលដំបូងរបស់ខ្លួន ដែលមានឈ្មោះថា "Klara”។ ការប្រកាសលក់នេះ ត្រូវបានធ្វើឡើងក្នុងពិធីបើកសម្ពោធមួយនៅរោងចក្ររបស់ VinFast ។ នេះបើតាមការចុះផ្សាយរបស់វេបសាយ Vietnam Plus កាលពីថ្ងៃទី៥ ខែវិច្ឆិកា ឆ្នាំ២០១៨។

រោងចក្រម៉ូតូ Klara របស់ក្រុមហ៊ុនវៀតណាម នៅក្រុង Hai Phong (រូបថត៖ Viet Nam Plus)

VinFast ដែលជាបុត្រសម្ព័ន្ធរបស់ក្រុមហ៊ុន Vingroup បានប្រកាសថា Klara ជាម៉ូតូដែលមានស្តង់ដារកម្រិតអន្តរជាតិ និងមានសំឡេងរំខានព្រមទាំងការបំពុលខ្យល់តិចតួចបំផុត។ VinFast លក់ម៉ូតូនេះ នៅទីផ្សារក្នុងស្រុក ក្នុងតម្លៃថោកសមរម្យ។

ក្រុមហ៊ុនដដែល បន្តថា ម៉ូតូអគ្គិសនី Klara មានភ្ជាប់អ៊ីនធឺណិត 3G, GPS, ការបញ្ជាចាក់សោពីចម្ងាយ ជាដើម។ វាដើរដោយថ្ម ដែលអាចធ្វើដំណើរបានចម្ងាយ ៨០គីឡូម៉ែត្រ នៅពេលថាមពលពេញ។

គួរដឹងដែរថា រោងចក្រផលិតម៉ូតូអគ្គិសនីរបស់ក្រុមហ៊ុន VinFast គ្របដណ្ដប់លើផ្ទៃដី ៦,៤ហិកតា នៅក្រុង Hai Phong ដែលផលិតម៉ូតូបាន ២៥ម៉ឺនគ្រឿងក្នុងមួយឆ្នាំ។ គោលដៅរបស់ក្រុមហ៊ុននេះ គឺក្លាយជារោងចក្រផលិតម៉ូតូអគ្គិសនីដ៏ទំនើបបំផុតនៅតំបន់អាស៊ីអាគ្នេយ៍៕

អត្ថបទទាក់ទង

អត្ថបទ៖ លាភ.