ដូណាល់ ត្រាំ ថា នឹងទទួលទានអាហារជាមួយ ពូទីន នៅប៉ារីស តែគ្មានជំនួបទ្វេភាគីទេ

2018-11-08 06:21:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ដូណាល់ ត្រាំ ប្រធានាធិបតីអាមេរិក បានបញ្ជាក់កាលពីថ្ងៃទី៧ ខែវិច្ឆិកា ឆ្នាំ២០១៨ ម្សិលមិញថា លោកនឹងទទួលទានអាហារថ្ងៃត្រង់ជាមួយលោក វ្លាឌីមៀ ពូទីន ប្រធានាធិបតីរុស្ស៊ី អំឡុងដំណើររបស់លោកនៅក្រុងប៉ារីស នាពេលចុងសប្ដាហ៍នេះ។ ប៉ុន្ដែលោក ត្រាំ ថា នឹងគ្មានជំនួបទ្វេភាគីជាមួយលោក ពូទីន នោះទេ។

លោក ដូណាល់ ត្រាំ ប្រធានាធិបតីអាមេរិក (ឆ្វេង) និងលោក វ្លាឌីមៀ ពូទីន ប្រធានាធិបតីរុស្ស៊ី (ស្ដាំ) អំឡុងសន្និសីទកាសែតនៅក្រុង Helsinki ប្រទេសហ្វាំងឡង់

មេដឹកនាំប្រទេសមហាអំណាចទាំងពីរនឹងស្ថិតនៅក្នុងប្រទេសបារាំងនៅថ្ងៃទី១១ ខែវិច្ឆិកា ២០១៨ ខាងមុខនេះ ដើម្បីចូលរួមរម្លឹកខួប ១០០ឆ្នាំ នៃសង្រ្គាមលោកលើកទី១ ដែលមានប្រមុខរដ្ឋ ប្រមុខរដ្ឋាភិបាលចំនួន៦០ ទៀតផងដែរ។

លោក ត្រាំ បន្ថែមថា "យើងនឹងជួបគ្នាឆាប់ៗម្តងទៀត នៅកិច្ចប្រជុំប្រទេស G-20។ ហើយនោះជាកន្លែងដែលយើងកំពុងទន្ទឹងរងចាំ ដើម្បីជួបពិភាក្សាគ្នា"។

សូមបញ្ជាក់ថា មេដឹកនាំប្រទេសមហាអំណាចទាំងពីរបានជួបគ្នាជាលើកដំបូង ក្នុងជំនួបកំពូលនៅក្រុង Helsinki ប្រទេសហ្វាំងឡង់ កាលពីខែកក្កដា ២០១៨ កន្លងទៅ៕

ប្រភព៖ CGTN ប្រែសម្រួល៖ វាសនា