ឌូតឺតេ គ្រោងអញ្ជើញ ស៊ី ជីនពីង ទស្សនកិច្ចទៅកាន់ក្រុង Davao

2018-11-08 08:59:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក រ៉ូទ្រីហ្គោ ឌូតឺតេ ប្រធានាធិបតីហ្វីលីពីន គ្រោងអញ្ជើញលោក ស៊ី ជីនពីង ប្រធានាធិបតីចិន ធ្វើទស្សនកិច្ចទៅកាន់ក្រុង Davao ក្នុងប្រទេសហ្វីលីពីន នៅក្នុងខែវិច្ឆិកា ២០១៨នេះ។ នេះបើតាមការបញ្ជាក់របស់លោក Salvador Panelo អ្នកនាំពាក្យប្រធានាធិបតីហ្វីលីពីន។

លោក ឌូតឺតេ ប្រធានាធិបតីហ្វីលីពីន និងលោក ស៊ី ជីនពីង ប្រធានាធិបតីចិន ចូលរួមកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក នៅវៀតណាម/ រូបភាព៖ ការិយាល័យប្រធានាធិបតីហ្វីលីពីន

លោក ស៊ី ជីនពីង នឹងធ្វើទស្សនកិច្ចទៅកាន់ប្រទេសហ្វីលីន ក្រោយលោកចូលរួមជំនួបកំពូលកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក នៅក្នុងប្រទេសប៉ាពួញូហ្គីណេ។

យោងតាមអ្នកនាំពាក្យប្រធានាធិបតីហ្វីលីពីនបានបញ្ជាក់ថា "លោកប្រធានាធិបតីហ្វីលីពីនត្រូវបានស្នើឲ្យអញ្ជើញលោក ស៊ី ទៅកាន់ក្រុង Davao”។ លោក ស៊ី នឹងក្លាយជាមេដឹកនាំពិភពលោកទី២ ដែលលោក ឌូតឺតេ អញ្ជើញទៅកាន់ក្រុង Davao។

នៅខែមករា ឆ្នាំ២០១៧ លោក ស៊ីនហ្សូ អាបេ នាយករដ្ឋមន្រ្តីជប៉ុនបានចំណាយ ៤៥នាទី ធ្វើទស្សនកិច្ចទៅកាន់ក្រុង Davao អំឡុងលោកធ្វើទស្សនកិច្ចទៅកាន់ប្រទេសហ្វីលីពីន៕

ប្រភព៖ Philstar ប្រែសម្រួល៖ វាសនា