កូរ៉េទាំងពីរ ចាប់ផ្ដើមបំផ្លាញប៉ុស្តិ៍យាមនៅតាមព្រំដែនហើយ
- 2018-11-12 04:22:58
- ចំនួនមតិ 0 | ចំនួនចែករំលែក 0
កូរ៉េទាំងពីរ ចាប់ផ្ដើមបំផ្លាញប៉ុស្តិ៍យាមនៅតាមព្រំដែនហើយ
ចន្លោះមិនឃើញ
ប្រទេសកូរ៉េទាំងពីរ បានរួមគ្នាបំផ្លាញប៉ុស្តិ៍យាមចំនួន ២០ នៅក្នុងតំបន់គ្មានយោធា តាមព្រំដែន កាលពីថ្ងៃអាទិត្យ ទី១១ ខែវិច្ឆិកា ឆ្នាំ២០១៨ ដើម្បីកាត់បន្ថយភាពតានតឹងក្រោមកិច្ចព្រមព្រៀងមួយដែលធ្វើឡើងកាលពីខែតុលា។
តាមទីភ្នាក់ងារសារព័ត៌មាន Yonhap បានឲ្យដឹងថា កូរ៉េខាងជើងមានប៉ុស្តិ៍យាមតាមព្រំដែននៅជាប់កូរ៉េខាងត្បូងសរុបប្រមាណ ១៦០ប៉ុស្តិ៍ ស្របពេលដែលកូរ៉េខាងត្បូងមានចំនួន ត្រឹមតែ ៦០ប៉ុស្តិ៍ប៉ុណ្ណោះ។
ការបំផ្លាញប៉ុស្តិ៍យាមនេះដែរ គឺបន្ទាប់ពីទាហានកូរ៉េទាំងពីរបានយល់ព្រម ឈប់បំពាក់អាវុធក្នុងដៃ នៅតាមព្រំដែន កាលពីខែមុន។ ភាគីទាំងសងខាង មានទាហានយាមសល់ប្រមាណ ៣៥នាក់។
គួរបញ្ជាក់ថា លោកប្រធានាធិបតីកូរ៉េខាងត្បូង មូន ចេអ៊ីន និងមេដឹកនាំកូរ៉េខាងជើង គីម ជុងអ៊ុន បានជួបគ្នា កាលពីខែកញ្ញា នៅក្រុងព្យុងយ៉ាង ដោយបានពិភាក្សាលើគម្រោងបន្ធូរបន្ថយភាពតានតឹងនៅព្រំដែននេះ៕