ម្រេចកម្ពុជា កំពុងជួបការលំបាកលើទីផ្សារនាំចេញ
- 2018-11-12 06:38:15
- ចំនួនមតិ 0 | ចំនួនចែករំលែក 0
ម្រេចកម្ពុជា កំពុងជួបការលំបាកលើទីផ្សារនាំចេញ
ចន្លោះមិនឃើញ
តាមប្រភពពីមន្ត្រីកសិកម្មខេត្តរតនគិរី បានប្រាប់ឲ្យដឹងនៅថ្ងៃទី១២ ខែវិច្ឆិកានេះថា ផលម្រេចដែល ប្រមូលបាននៅឆ្នាំនេះ មានសល់ច្រើនណាស់ លក់ចេញទៅមិនរួចនោះទេ ដោយសារតម្លៃថោកពេក។ លោកថា សូម្បីតែវៀតណាមក៏អត់ទិញម្រេចពីកម្ពុជាដែរ។
លោកបន្តថា ថ្លៃម្រេចខ្មៅបានធ្លាក់មកត្រឹម ៣ពាន់រៀល ក្នុងមួយគីឡូក្រាម តែបើទីផ្សារក្រៅប្រទេសអាចបានថ្លៃ១ម៉ឺនរៀលក្នុង១គីឡូក្រាម។ ចំណែកលោក ងួន ឡាយ ប្រធានសមាគមម្រេចកំពតបានប្រាប់ឱ្យដឹងថា ម្រេចនៅក្នុងសមាគមលោក ក៏មានការចង្អៀតក្នុងការនាំចេញដែរ ដោយសារកន្លងមកមានក្រុមហ៊ុនរកស៊ីនាំម្រេចចេញមួយចំនួន បានបន្លំម្រេចនាំចេញទៅប្រទេសបារាំងថា «ម្រេចកំពត» ពោលគឺយកឈ្មោះស្លាកសញ្ញារបស់សមាគមមកប្រើ តែក្រុមហ៊ុននេះយកម្រេចដ៏ទៃៗមកលក់នៅស្រុកបារាំងទៅវិញ។
លោក ងួន ឡាយ លើកឡើងយ៉ាងដូច្នេះថា៖ «អ្នកឯងទិញម្រេចខ្ញុំ ១តោនទៅ២តោនទៅលាយម្រេចអត់គុណភាព៧ទៅ៨តោន មិនអាចទៅរួចទេ។ ម្រេចមាន GI មានបញ្ជាក់ប្រើជីធម្មជាតិរបស់សមាគម បែបនេះនៅតែមានទីផ្សារនាំចេញ ថ្លៃនៅហ្នឹងអត់ប្រែប្រួល បើទោះបីម្រេចនៅសល់ប្រមាណ៦០តោនក៏ដោយ»។
«ម្រេចជាទូទៅអត់ទីផ្សារឆ្នាំនេះដោយសារលោកឡាយប្រាប់ថាម្រេចវៀតណាម ទីផ្សារសហគមអឺរុបអត់អោយវៀតណាមនាំចូលមកពីគេរកឃើញម្រេចវៀតណាមមានសារជាតិគីមីច្រើន។ EUគេហាមអត់ឲ្យចូលរយពេល៣ឆ្នាំ។ បញ្ហានេះវាធ្វើឲ្យប៉ះដល់ម្រេចខ្មែរយើងទៀត»។ លោកប្រធានសមាគមម្រេចកំពត បញ្ជាក់បន្ថែម៕
អត្ថបទទាក់ទង៖