Suzuki Cup 2018៖ "Messi ឡាវ" ដាក់គោលដៅយក ៣ពិន្ទុពីម្ចាស់ផ្ទះកម្ពុជា

2018-11-13 02:54:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទោះបីជាទទួលបានលទ្ធផលមិនល្អក្នុង២ប្រកួតកន្លងទៅក៏ដោយ ក៏កីឡាករឆ្នើមក្រុមបាល់ទាត់ជម្រើសជាតិឡាវ បានដាក់គោលដៅ ក្នុងការយកឈ្នះការប្រកួតដែលនៅសេសសល់ ក្នុងពូល A វគ្គសន្សំពិន្ទុ ពានរង្វាន់ AFF Suzuki Cup 2018 ។

ខ្សែបម្រើ Soukaphone Vongchiengkham ឬ Messi ឡាវ កំពុងហ្វឹកហាត់ (រូបថត៖ AFF Suzuki Cup)

ខ្សែបម្រើ Soukaphone Vongchiengkham របស់ក្រុមឡាវ ឬអ្នកគាំទ្រមួយចំនួនតែងតែហៅថា "Messi ឡាវ" បានឲ្យដឹងថា ក្រុមឡាវនឹងស្វែងរកចំនួន ៦ពិន្ទុ ពីការប្រកួតទល់នឹងម្ចាស់ផ្ទះកម្ពុជា និងក្រុមមីយ៉ាន់ម៉ា ក្នុង២ប្រកួតចុងក្រោយ។ ***«ពួកយើងនៅសល់២ប្រកួតទៀត។ ដូច្នេះពួកយើងមានគោលដៅច្បាស់លាស់ ដោយដណ្ដើមយក ៦ពិន្ទុ ដើម្បីធានាថា ពួកយើងអាចឡើងទៅកាន់វគ្គ ពាក់កណ្ដាលផ្ដាច់ព្រ័ត្របន្តទៀត ហើយពួកយើងគិតថា វានៅតែអាចទៅរួច»***។

Messi ឡាវ បានបន្តថា ឡាវបានកែចំណុចខ្វះខាតបានច្រើន ក្នុងការប្រកួតទល់នឹងម៉ាឡេស៊ី ដែលពួកគេចាញ់ក្នុងលទ្ធផល ៣-១។ « ពួកយើងដាក់គោលដៅថា នឹងត្រូវកែចំណុចខ្វះខាតរបស់ពួកយើងរៀងរាល់ការប្រកួត។ ជាក់ស្ដែកពួកយើងធ្វើវាបានហើយ បើធៀបនឹងប្រកួតដំបូង។ ដូច្នេះពួកយើងត្រូវតែធ្វើវាម្ដងទៀត»។

សូមជម្រាបថា ឡាវ នឹងត្រូវជួបក្រុមជម្រើសជាតិកម្ពុជា នៅពហុកីឡដ្ឋានជាតិ នាថ្ងៃទី២០ ខែវិច្ឆិកា ឆ្នាំ២០១៨ ក្នុងការប្រកួតទី៣ ពូល A ។