អ៊ីស្រាអែល ទម្លាក់គ្រាប់បែកកម្ទេចស្ថានីយ៍ទូរទស្សន៍មួយនៅតំបន់កាហ្សា

2018-11-13 03:15:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោធាអ៊ីស្រាអែលបានទម្លាក់គ្រាប់បែកលើស្ថានីយ៍ទូរទស្សន៍មួយកន្លែង នៅក្នុងតំបន់កាហ្សា កាលពីថ្ងៃទី១២ ខែវិច្ឆិកា ២០១៨ ម្សិលមិញ។ នេះបើតាមការបញ្ជាក់របស់មន្រ្តីប៉ាឡេស្ទីន។

រូបភាព៖ AFP

វីដេអូដែលបានបង្ហោះតាមរយៈ Twitter បានបង្ហាញផ្ដាភ្លើងដ៏ធំផ្ទុះចេញពីស្ថានីយ៍ទូរទស្សន៍ Al-Aqsa។

ស្ថានីយទូរទស្សន៍នេះបានក្លាយជាគោលដៅមួយក្នុងចំណោមគោលដៅជាច្រើននៅតំបន់កាហ្សា ដែលរងការវាយប្រហារដោយយោធាអ៊ីស្រាអែល កាលពីថ្ងៃទី១២ ខែវិច្ឆិកា ២០១៨ ម្សិលមិញ។ ការវាយប្រហាររបស់អ៊ីស្រាអែល គឺឆ្លើយតបនឹងរ៉ុកកែតដែលបាញ់ចេញពីតំបន់កាហ្សាចូលទៅក្នុងទឹកដីអ៊ីស្រាអែល។

កងទ័ពអាកាសអ៊ីស្រាអែលបានបញ្ជាក់ថា រ៉ុកកែត ៣០០គ្រាប់បានបាញ់សំដៅទៅក្នុងប្រទេសអ៊ីស្រាអែល កាលពីម្សិលមិញ ហើយរ៉ុកកែត ៦០គ្រាប់ ត្រូវបានបាញ់ស្ទាក់បានដោយជោគជ័យ។ ក្នុងនោះ រថយន្តដឹកយោធាអ៊ីស្រាអែលមួយគ្រឿងបានរងគ្រាប់រ៉ុកកែត ដែលបាញ់ចេញពីតំបន់កាហ្សា ហើយបណ្ដាលឲ្យរងរបួសម្នាក់។

ជាការឆ្លើយតប កងទ័ពអាកាសអ៊ីស្រាអែលបានវាយប្រហារលើ ៧០គោលដៅ នៅតំបន់កាហ្សា។ ក្រសួងសុខាភិបាលប៉ាឡេស្ទីនបញ្ជាក់ថា យ៉ាងតិចជនស៊ីវិលប៉ាឡេស្ទីន ២នាក់បានស្លាប់ និងម្នាក់រងរបួស៕