ត្រាំ សម្លឹងព្រះភក្រ្តស្ដេចម៉ារ៉ុក ដែលងក់អំឡុងសន្ទរកថារបស់ប្រធានាធិបតីបារាំង
- 2018-11-13 07:15:17
- ចំនួនមតិ 0 | ចំនួនចែករំលែក 0
ត្រាំ សម្លឹងព្រះភក្រ្តស្ដេចម៉ារ៉ុក ដែលងក់អំឡុងសន្ទរកថារបស់ប្រធានាធិបតីបារាំង
ចន្លោះមិនឃើញ
លោក ដូណាល់ ត្រាំ ប្រធានាធិបតីអាមេរិក បានសម្លឹងព្រះភក្ត្រសេ្ដចប្រទេសម៉ារ៉ុក Mohammed VI ដែលទ្រង់បានងក់ អំឡុងការឡើងថ្លែងសន្ទរកថារបស់លោក Emmanuel Macron ប្រធានាធិបតីបារាំង។ វីដេអូឃ្លីបបង្ហាញពីសកម្មភាពនេះ ត្រូវបានចែកចាយពាសពេញបណ្ដាញសង្គមកាលពីថ្ងៃទី១១ ខែវិច្ឆិកា ឆ្នាំ២០១៨។
ព្រះមហាក្សត្រម៉ារ៉ុក បានលង់លក់ពេលលោក Macron ថ្លែងរំឭកដល់ទាហានដែលបានស្លាប់អំឡុងសង្គ្រាមលោកលើកទី១ ក្នុងពិធីរំឭកខួប ១០០ឆ្នាំនៃសង្រ្គាមលោកលើកទី១ នៅក្រុងប៉ារីស។
លោក Macron ប្រធានាធិបតីបារាំង បានជំរុញឲ្យមេដឹកនាំពិភពលោក ទាត់ចោលជាតិនិយម ដោយលោកលើកឡើងថា ជាតិនិយមជាការក្បត់មនសិការស្នេហាជាតិ។ ចំណែក លោក ដូណាល់ ត្រាំ ប្រធានាធិបតីអាមេរិក បានចាត់ទុកខ្លួនឯងជា អ្នកជាតិនិយម និងបានដកអាមេរិកចេញពីកិច្ចព្រមព្រៀងអន្តរជាតិ រួមមានកិច្ចព្រមព្រៀងនុយក្លេអ៊ែរជាមួយអ៊ីរ៉ង់ កិច្ចព្រមព្រៀងក្រុងប៉ារីសស្ដីពីបម្រែបម្រួលអាកាសធាតុ និងកម្មវិធីសម្រាប់ជនភៀសខ្លួនរបស់អង្គការសហប្រជាជាតិ៕