អាវុធដែលមានល្បឿនលឿនជាងសំឡេងរបស់រុស្ស៊ី និងចិន គឺគំរាមកំហែងដល់អាមេរិក

2018-11-14 05:50:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Michael Griffin អនុរដ្ឋមន្រ្តីក្រសួងការពារជាតិអាមេរិកបានបញ្ជាក់ថា អាមេរិកមិនទាន់ត្រៀមខ្លួនឆ្លើយតបនឹងការវាយប្រហារដោយអាវុធដែលល្បឿនលឿនជាងសំឡេងនៅឡើយទេ ខណៈប្រទេសចិន និងរុស្ស៊ីបានពន្លឿនការអភិវឌ្ឍសមត្ថភាពរបស់ពួកគេ សម្រាប់អាវុធដែលមានល្បឿនលឿនបំផុត។

លោក វ្លាឌីមៀ ពូទីន ប្រធានាធិបតីរុស្ស៊ី (ឆ្វេង) និងលោក ស៊ី ជីនពីង ប្រធានាធិបតីចិន (ស្ដាំ) ចូលរួមក្នុងកម្មវិធីមួយនៅក្រុង Vladivostok ប្រទេសរុស្ស៊ី កាលពីខែកញ្ញា ២០១៨/ រូបភាព៖ Reuters

លោកអនុរដ្ឋមន្រ្តីរូបនេះបញ្ជាក់ទៀតថា អាមេរិកមិនបានចំណាយលើការផ្លាស់ប្ដូរបច្ចេកវិទ្យា ចាប់តាំងពីអាណត្តិប្រធានាធិបតី Ronald Reagan មកម្ល៉េះ។ លោកថា "ប្រសិនបើអាមេរិកចង់នៅរក្សាការនាំមុខ យើងត្រូវតែចំណាយឡើងវិញ។

លោកបន្ថែមទៀតថា ទំនើបកម្មយោធាដោយចិន និងរុស្ស៊ី អាចបង្កការគំរាមកំហែងដល់អាមេរិក។ លោកថា កងកម្លាំងអាមេរិកត្រូវតែត្រៀមខ្លួន ព្រោះអាវុធដែលមានល្បឿនលឿនជាងសំឡេងអាចវាយប្រហារគោលដៅក្នុងរយៈពេលរាប់សិបនាទីប៉ុណ្ណោះ។

សូមបញ្ជាក់ថា កាលពីខែកក្កដា ២០១៨ កន្លងទៅ ក្រសួងការពារជាតិអាមេរិកបានប្រាប់ទៅសភាថា ក្រសួងគ្រោងនឹងអភិវឌ្ឍអាវុធដែលមានល្បឿនលឿនជាងសំឡេង៕

ប្រភព៖ Straits Times ប្រែសម្រួល៖ វាសនា