ពូទីន ជួបពិភាក្សាទ្វេភាគីជាមួយ ប្រាយុទ្ធ ចាន់អូចា

2018-11-14 08:32:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក វ្លាឌីមៀ ពូទីន ប្រធានាធិបតីរុស្ស៊ី នៅថ្ងៃទី១៤ ខែវិច្ឆិកា ២០១៨នេះ បានជួបពិភាក្សាទ្វេភាគីជាមួយលោក ប្រាយុទ្ធ ចាន់អូចា នាយករដ្ឋមន្រ្តីថៃ នៅក្នុងប្រទេសសិង្ហបុរី អំឡុងមេដឹកនាំទាំងពីរចូលរួមកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ។

លោក ប្រាយុទ្ធ ចាន់អូចា នាយករដ្ឋមន្រ្តីថៃ (ឆ្វេង) ចាប់ដៃជាមួយលោក វ្លាឌីមៀ ពូទីន ប្រធានាធិបតីរុស្ស៊ី (ស្ដាំ) នៅក្នុងប្រទេសសិង្ហបុរី/ រូបភាព៖ Reuters

លោក ពូទីន បានប្រាប់លោក ប្រាយុទ្ធ ថា ភ្ញៀវទេសចររុស្ស៊ីបានគាំទ្រដល់សេដ្ឋកិច្ចរបស់ថៃ ២ពាន់លានដុល្លារ កាលពីឆ្នាំ២០១៧ កន្លងទៅ។ ជាមួយគ្នានេះ លោកបន្ដថា ទំនាក់ទំនងរវាងរុស្ស៊ី និងថៃ កំពុងរីកចម្រើន ដូចដែលបានឃើញ គឺលំហូរភ្ញៀវទេសចរយ៉ាងច្រើនពីរុស្ស៊ីទៅប្រទេសថៃ។

ចំណែកនាយករដ្ឋមន្រ្ដីថៃវិញបានលើកឡើងថា ប្រាក់ចំណូលពាណិជ្ជកម្មរវាងប្រទេសទាំងពីរបានកើនឡើង ៥០% កាលពីឆ្នាំ២០១៧ កន្លងទៅ។ ចំណែកភ្ញៀវទេសចររុស្ស៊ីដែលទៅកម្សាន្ដនៅប្រទេសថៃ បានកើនឡើង ២៦%៕

ប្រភព៖ TASS ប្រែសម្រួល៖ វាសនា