ទស្សនាវីដេអូ បង្ហាញពីជីវិតពិតរបស់អ្នកប្រដាល់គុនខ្មែរ សុខ ធី

2018-11-15 08:11:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សុខ ធី ជាអ្នកប្រដាល់គុនខ្មែរ ដែលមានប្រវត្តិប្រកួតលើសង្វៀនជាតិ និងអន្តរជាតិ ជាង ២០០ដង ទោះមានវ័យត្រឹម ២០ឆ្នាំក៏ដោយ។ ក្រៅពីឈ្នះជើងឯកថ្នាក់ជាតិ សុខ ធី ក៏ល្បីឈ្មោះលើសង្វៀនប្រដាល់ធំៗនៅប្រទេសថៃផងដែរ។

បន្ថែមលើនេះ សុខ ធី ក៏បានកសាងកេរ្តិ៍ឈ្មោះក្នុងស្ថាប័នកីឡាប្រដាល់ធំជាងគេប្រចាំទ្វីបអាស៊ី ONE Championship ផងដែរ ក្រោយធ្វើបានយ៉ាងល្អក្នុងប្រកួតដំបូងរបស់ខ្លួន ទល់នឹងអ្នកប្រដាល់ជើងចាស់ថៃ Lerdsila កាលពីខែមិថុនាកន្លងទៅ។ ទោះចាញ់ការប្រកួតនោះ ប៉ុន្តែអ្នកទស្សនាភាគច្រើន បានគិតថា សុខ ធី ជាអ្នកឈ្នះ។ ដោយសារតែមានភាពចម្រូងចម្រាស់បែបនេះហើយ ទើបជំនួបរវាង សុខ ធី និង Lerdsila នៅ ONE Championship នឹងត្រូវកើតឡើងម្ដងទៀត នាថ្ងៃទី១៧ ខែវិច្ឆិកា ឆ្នាំ២០១៨ ខាងមុខនេះ នាទីក្រុងហ្សាការតា ប្រទេសឥណ្ឌូណេស៊ី។

មុនការប្រកួតដ៏ធំនោះមកដល់ [ខ្លីៗ] សូមបង្ហាញវីដេអូស្ដីពីប្រវត្តិរបស់ សុខ ធី ដែលផលិត និងទៅថតផ្ទាល់ដល់ផ្ទះរបស់ សុខ ធី នាខេត្តបន្ទាយមានជ័យ ដោយក្រុមការងារកីឡារបស់វិបសាយ Sabay News ដូចខាងក្រោម៖