នគរបាល ឃាត់ខ្លួនជនសង្ស័យដែលគំរាមទារប្រាក់ពីម្ចាស់គណនី Facebook

2018-11-15 09:17:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាពេលថ្មីៗនេះ មន្ត្រីនៃនាយកដ្ឋានប្រឆាំងបទល្មើសបច្ចេកវិទ្យា បានឃាត់ខ្លួនជនសង្ស័យម្នាក់ ដែលបានបង្កើតគណនីក្លែងក្លាយជាច្រើនដោយដាក់ប្រូហ្វាល់រូបស្រីស្អាត រួចចុច Add ទៅជនរងគ្រោះ និងឆាតទៅទំនាក់ទំនងក្នុងន័យស្នេហា ក្នុងគោលបំណងផ្លាស់ប្ដូររូបអាក្រាត។

ក្រោយមកជនសង្ស័យបានប្រើប្រាស់រូបអាក្រាតទាំងនោះ ដើម្បីគំរាមយកប្រាក់ពីជនរងគ្រោះ។ បើមិនព្រមផ្ញើលុយឲ្យ គេនឹងបង្ហោះរូបភាព និងវីដេអូទៅឲ្យបងប្អូនសាច់ញាតិ។ នេះបើតាមទំព័រហ្វេសប៊ុកផ្លូវការនាយកដ្ឋានប្រឆាំងបទល្មើសបច្ចេកវិទ្យា នៃក្រសួងមហាផ្ទៃ ចុះផ្សាយនៅរសៀលថ្ងៃទី១៥ ខែវិច្ឆិកានេះ។

ជនសង្ស័យ (រូបថត៖ នាយកដ្ឋានប្រឆាំងបទល្មើសបច្ចេកវិទ្យា)

នាយកដ្ឋានប្រឆាំងបទល្មើសបច្ចេកវិទ្យា បានអំពាវនាវឲ្យប្រជាពលរដ្ឋមានការប្រុងប្រយ័ត្ន កុំទទួលអេតហ្វេ្រន (accept friends) ណាដែលមិនស្គាល់ ព្រោះជនខិលខូចមួយចំនួន អាចប្រើប្រាស់គណនីក្លែងក្លាយដើម្បីបោកប្រាស់ និងគំរាមទារប្រាក់ជាដើម៕

អត្ថបទ៖ លាភ.