បារាំង ផ្តល់កម្ចីជិត ១០០លានដុល្លារ សម្រាប់គម្រោង និងកម្មវិធីចំនួន៣ នៅកម្ពុជា
- 2018-11-16 09:57:37
- ចំនួនមតិ 0 | ចំនួនចែករំលែក 0
បារាំង ផ្តល់កម្ចីជិត ១០០លានដុល្លារ សម្រាប់គម្រោង និងកម្មវិធីចំនួន៣ នៅកម្ពុជា
ចន្លោះមិនឃើញ
លោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងលោក Remi GENEVEY ប្រធាននាយកដ្ឋានអឺរ៉ុបខាងកើត, មជ្ឈឹមបូព៌ា និងអាស៊ីនៃទីស្នាក់ការកណ្តាលរបស់ទីភ្នាក់ងារបារាំងសម្រាប់ការអភិវឌ្ឍ (AFD) បានចុះហត្ថលេខាលើកិច្ចព្រមព្រៀងហិរញ្ញប្បទានសហប្រតិបត្តិការសម្រាប់គម្រោង និងកម្មវិធីចំនួន៣ ដែលមានទឹកប្រាក់សរុបចំនួន ៨៤,៦៧លានអឺរ៉ូ (៩៦,៤លានដុល្លារ)។ ពិធីចុះហត្ថលេខានេះធ្វើឡើងនារសៀលថ្ងៃទី១៦ ខែវិច្ឆិកា ឆ្នាំ២០១៨ នៅទីស្តីការក្រសួងសេដ្ឋកិច្ច។
យោងតាមសេចក្តីប្រកាសព័ត៌មានរបស់ក្រសួងសេដ្ឋកិច្ច ឱ្យដឹងថា គម្រោង និងកម្មវិធីទាំង៣នោះរួមមានដូចខាងក្រោម៖
១. ឥណទានសម្បទានចំនួន ៥៥លានអឺរ៉ូ សម្រាប់កម្មវិធីគ្រប់គ្រងធនធានទឹក និងការផ្លាស់ប្តូរវិស័យកសិកម្មសម្រាប់ប្រទេសកម្ពុជា ដំណាក់កាលទី១។
២. ហិរញ្ញប្បទានឥតសំណងចំនួន ២៥លានអឺរ៉ូ សម្រាប់កម្មវិធីជំរុញកំណើនវិស័យជលផលប្រកបដោយចីរភាព និងបរិយាប័ន្ន (ផ្នែកវារីវប្បកម្ម)។
៣. ហិរញ្ញប្បទានឥតសំណងចំនួន ៤,៦៧លានអឺរ៉ូ សម្រាប់គម្រោងគ្រប់គ្រងទឹកស្អាត និងអនាម័យតាមខេត្ត។
ក្រសួងសេដ្ឋកិច្ច បានរំលឹកឱ្យដឹងថា ក្នុងក្របខណ្ឌនៃកិច្ចសហប្រតិបត្តិការហិរញ្ញប្បទានរវាងរាជរដ្ឋាភិបាលកម្ពុជា និងរដ្ឋាភិបាលបារាំង គិតចាប់ពីឆ្នាំ១៩៩៣ ដល់បច្ចុប្បន្ន រាប់ទាំងកិច្ចព្រមព្រៀងទាំង ៣នេះផង គឺរដ្ឋាភិបាលបារាំង តាមរយៈ AFD នេះ បានផ្តល់ហិរញ្ញប្បទានសរុបឱ្យកម្ពុជា ជាង ៥៥៤លានអឺរ៉ូហើយ៕
សូមអានលម្អិតបន្ថែមពីគម្រោងនីមួយៗ ក្នុងសេចក្តីប្រកាសព័ត៌មានខាងក្រោមនេះ៖