សម្ដេចទៀ បាញ់៖ កម្ពុជា នឹងទិញឧទ្ធម្ភាគចក្ររបស់រុស្ស៊ី នាថ្ងៃអនាគត

2018-11-20 03:53:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចពិជ័យសេនា ទៀ បាញ់ ឧបនាយករដ្ឋមន្រ្ដី រដ្ឋមន្រ្ដីក្រសួងការពារជាតិ បានថ្លែងថា នៅថ្ងៃអនាគត កម្ពុជានឹងទិញឧទ្ធម្ភាគចក្ររបស់រុស្ស៊ី ដែលយកមកបង្ហាញសមត្ថភាពនៅកម្ពុជា នាពេលនេះ។

សម្ដេចពិជ័យសេនា បានលើកឡើងយ៉ាងដូច្នេះ នៅក្នុងពិធីបង្ហាញសមត្ថភាពឧទ្ធម្ភាគចក្រយោធារបស់រុស្ស៊ី ប្រភេទ Mi-171A2 និង ANSAT នៅមូលដ្ឋានកងទ័ពអាកាសកម្ពុជា នាព្រឹកថ្ងៃទី២០ ខែវិច្ឆិកា ឆ្នាំ២០១៨ នេះ។

សម្ដេចទៀ បាញ់ ថ្លែងប្រាប់អ្នកកាសែត នាពេលកន្លងមក

សម្ដេច ទៀ បាញ់ បានថ្លែងថា៖ "អនាគតប្រហែលនឹងមានការប្រើប្រាស់ឧទ្ធម្ភាគចក្រប្រភេទនេះនៅប្រទេសយើង ព្រោះគុណភាពវាល្អ។ វត្តមានរបស់វានៅកម្ពុជាសមស្របណាស់ លទ្ធភាពថ្ងៃក្រោយអាចគិតគូរ"។

សម្ដេចបន្ថែមថា ឧទ្ធម្ភាគចក្រយោធារបស់រុស្ស៊ីទាំងនេះ មានសមត្ថភាពខ្លាំង រឹងមាំ រហ័សរហួន និងអាចធានាបានសីតុណ្ហភាព ដក ៥០អង្សា និងបូក ៥០អង្សា ចំណែកឯល្បឿនរបស់វាគឺ ២៨០គីឡូម៉ែត្រក្នុងមួយម៉ោង។

គួរបញ្ជាក់ថា Mi-171A2 និង ANSAT គឺជាឧទ្ធម្ភាគចក្រដែលបំពាក់បច្ចេកវិទ្យាចុងក្រោយរបស់រុស្ស៊ី។ មុនមកបង្ហាញសមត្ថភាពនៅកម្ពុជា រុស្ស៊ី ក៏បានយកឧទ្ធម្ភាគចក្រទាំង២នេះ ទៅបង្ហាញនៅប្រទេសវៀតណាមផងដែរ មុនបន្តទៅប្រទេសអាស៊ាន២ទៀត គឺថៃ និងម៉ាឡេស៊ី៕