រដ្ឋមន្ដ្រីការពារជាតិ ជំរុញឲ្យអ្នកមានស្រុកខ្មែរ ប្រើប្រាស់ឧទ្ធម្ភាគចក្រដើម្បីកាត់បន្ថយការកកស្ទះចរាចរណ៍

2018-11-20 07:48:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្លែងចំពោះមុខតំណាងក្រុមហ៊ុនធំៗនានា នៅក្នុងពិធីតាំងពិព័រណ៍បង្ហាញការហោះហើរឧទ្ធម្ភាគចក្រទំនើបរបស់រុស្ស៊ី នៅមូលដ្ឋានទ័ពអាកាសពោធិ៍ចិនតុង នាព្រឹកថ្ងៃទី២០ ខែវិច្ឆិកានេះ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានសំណូមពរឲ្យម្ចាស់ក្រុមហ៊ុននៅស្រុកខ្មែរ ងាកមកចាប់អារម្មណ៍ការប្រើប្រាស់ឧទ្ធម្ភាគចក្រ ដើម្បីកាត់បន្ថយការកកស្ទះចរាចណ៍ និងចំណេញពេលវេលា។

ក្នុងពិធីទស្សនាការតាំងពិព័រណ៍បង្ហាញការហោះហើរឧទ្ធម្ភាគចក្រប្រភេទ Ansat និង MI-171A2 របស់ក្រុមហ៊ុន RUSSIAN HELICOPTER នោះ សម្ដេច ទៀ បាញ់ មានប្រសាសន៍ថា “ខ្ញុំនឹងសំណូមពរឲ្យពួកគាត់ (ម្ចាស់ក្រុមហ៊ុន) ងាកមកមើល បើសិនមានលទ្ធភាពក្នុងការប្រើប្រាស់ឧទ្ធម្ភាគចក្រ ដើម្បីបម្រើឲ្យការងារដែលខ្លួន...។ សូមចាប់អារម្មណ៍យកយន្ដហោះប្រភេទនេះ Ansat និង MI-171A2 ប្រសើរជាង”។

សម្ដេច ទៀ បាញ់ ឡើងជិះសាកល្បងឧទ្ធម្ភាគចក្រ MI-171A2 របស់រុស្ស៊ី

ជាមួយគ្នានោះដែរ រដ្ឋមន្ត្រីក្រសួងការពារជាតិ ក៏បានចាប់អារម្មណ៍ឧទ្ធម្ភាគចម្រថ្មីនេះផងដែរ ដោយសម្ដេចបានបញ្ជាក់ថា ក៏នៅថ្ងៃអនាគត កម្ពុជានឹងទិញឧទ្ធម្ភាគចក្ររបស់រុស្ស៊ីនេះ ដោយសារវាមានគុណភាពល្អ ([ចុចអាន](http://kleykley.sabay.com.kh/article/1104771#utm_campaign=onpage))។

គួររំលឹកថា ឧស្សាហកម្មផលិតយន្តហោះរបស់សហព័ន្ធរុស្ស៊ី បាននាំយកឧទ្ធម្ភាគចក្រប្រភេទថ្មីទាំងនេះ ទៅចូលរួមហោះហើរ បង្ហាញខ្លួន ក្នុងពិព័រណ៍អាកាស និងអវកាសនៅ ខេត្តស៊ូហៃ ប្រទេសចិន ដោយទទួលបានការគាំទ្រ និងការបញ្ជាទិញ ពីប្រទេសចិន កាលពីពេលថ្មីៗកន្លងទៅ មុនយកមកបង្ហាញនៅប្រទេសនានានៅតំបន់អាស៊ាន ដែលមានកម្ពុជា វៀតណាម ថៃ និងម៉ាឡេស៊ី ជាដើម៕

ចុចអានអត្ថបទទាក់ទង៖