LDP នឹងប្រារព្ធវេទិកាប្រចាំឆ្នាំនៅប្រទេសថៃ ចុងឆ្នាំនេះ

2018-11-28 01:22:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណបក្សសម្ព័ន្ធដើម្បីប្រជាធិបតេយ្យ (LDP) នឹងប្រារព្វវេទិកាប្រចាំឆ្នាំរបស់ខ្លួន នៅក្រុងផាតាយ៉ា ប្រទេសថៃ នាថ្ងៃទី៣១ ខែធ្នូ ឆ្នាំ២០១៨ ដោយមានលោក ខឹម វាសនា ប្រមុខគណបក្ស ចូលរួមជាវាគ្មិន។ នេះបើតាមសេចក្ដីជូនដំណឹងរបស់គណបក្ស ចុះថ្ងៃទី២៦ ខែវិច្ឆិកា។

លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ ថ្លែងក្នុងសន្និសីទកាសែតមួយ កាលពីខែកក្កដា ឆ្នាំ២០១៨

លោក កូវ គា អ្នកនាំពាក្យ LDP បានថ្លែងប្រាប់ [ខ្លីៗ] ថា ការធ្វើវេទិកាប្រចាំឆ្នាំនៅប្រទេសថៃនេះ គឺដើម្បីឲ្យសមាជិក និងអ្នកគាំទ្រ ដែលបានយល់ពី LDP មានឱកាសបានចូលរួម ខណៈពួកគេខ្លះ មិនមានឱកាសចូលរួមវេទិកាក្នុងស្រុក។ លោកបន្ថែមថា រៀងរាល់ពេលដាច់ឆ្នាំ គឺគណបក្សតែងតែធ្វើវេទិកាជួបជុំជាមួយសមាជិក និងអ្នកគាំទ្រ ដើម្បីចែកចាយគំនិតទស្សនៈ ដែលជាមនោគមន៍វិជ្ជារបស់ LDP។

សូមបញ្ជាក់ថា មិនមែនតែនៅប្រទេសថៃនោះទេ កន្លងមក LDP ក៏បានធ្វើវេទិកានៅប្រទេសផ្សេងទៀតផងដែរ ដូចជា កូរ៉េខាងត្បូង ជប៉ុន និងកាណាដាជាដើម។ នេះបើតាមការបញ្ជាក់របស់លោក កូវ គា៕