ណូវែលហ្សេឡង់ ឆ្លើយតបនឹងក្រុមហ៊ុនចិន Huawei ជុំវិញការដាក់បម្រាម

2018-11-29 07:08:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសណូវែលហ្សេឡង់ នៅថ្ងៃទី២៩ ខែវិច្ឆិកា ២០១៨នេះ បានបដិសេធថា ក្រុមហ៊ុនបច្ចេកវិទ្យាយក្សរបស់ចិន Huawei ដែលត្រូវបានដាក់បម្រាមពីការរាយបណ្ដាញ 5G មិនមែនដោយសារវាជារបស់ចិននោះទេ។ ណូវែលហ្សេឡង់ថា បញ្ហាដែលវាប្រឈម គឺបច្ចេកវិទ្យា។

លោក Andrew Little រដ្ឋមន្រ្តីសម្រាប់ទីភ្នាក់ងារសន្ដិសុខកណ្ដាលរបស់ណូវែលហ្សេឡង់បញ្ជាក់ថា "វាមិនមែនដោយសារប្រទេស ហើយវាមិនមែនដោយសារក្រុមហ៊ុនណាមួយនោះដែរ វាដោយសារបច្ចេកវិទ្យា ដែលត្រូវបានស្នើឡើង"។

លោកបន្ថែមថា "ខ្ញុំអាចនិយាយដោយភាពជឿជាក់ថា ពុំមានការបង្ហាញណាបានធ្វើឡើងទៅកាន់ការិយាល័យសន្ដិសុខកណ្ដាល [ណូវែលហ្សេឡង់] ពីប្រទេសអូស្រ្ដាលី ពីអាមេរិក ឬពីណានោះទេ អំពីធម្យោបាយដើម្បីធ្វើការសម្រេចនេះ"។

ក្រុមហ៊ុនទូរគមនាគមន៍ធំបំផុតរបស់ណូវែលហ្សេឡង់ Spark កាលពីថ្ងៃទី២៨ ខែវិច្ឆិកា ២០១៨ ម្សិលមិញ បានប្រកាសថា ការិយាល័យសន្ដិសុខកណ្ដាលបានបដិសេធប្រើបច្ចេកវិទ្យារបស់ក្រុមហ៊ុន Huawei ក្នុងការរាយបណ្ដាញអ៊ីនធឺណិត 5G។ ក្រុមហ៊ុនណូវែលហ្សេឡង់នេះថា នេះដោយសារការប្រឈមនឹងបញ្ហាសន្ដិសុខជាតិយ៉ាងខ្លាំង។

ចំណែកប្រទេសចិន ដែលជាដៃគូពាណិជ្ជកម្មដ៏ធំបំផុតរបស់ណូវែលហ្សេឡង់ ដែលមានទំហំទឹកប្រាក់រហូតដល់ ១៨ពាន់លានដុល្លារក្នុងមួយឆ្នាំ បានបង្ហាញការព្រួយបារម្ភយ៉ាងខ្លាំងលើបម្រាមនេះ។

សូមបញ្ជាក់ថា ប្រទេសអូស្រ្ដាលីក៏បានហាមក្រុមហ៊ុនចិន Huawei និង ZTE មិនឲ្យចូលរួមក្នុងការរាយបណ្ដាញអ៊ីនធឺណិត 5G នៅក្នុងប្រទេសរបស់ខ្លួន កាលពីខែសីហា ២០១៨ កន្លងទៅផងដែរ៕

ប្រភព៖ Channelnewsasia ប្រែសម្រួល៖ វាសនា