ថ្ងៃនេះជាខួប ២ឆ្នាំ នៃការដាក់ចាប៉ីដងវែងខ្មែរ ចូលជាបេតិកភណ្ឌវប្បធម៌របស់យូណេស្កូ

2018-11-30 04:18:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថ្ងៃ៣០ ខែវិច្ឆិកា ឆ្នាំ២០១៨ នេះ ជាខួប២ឆ្នាំ ដែលចាប៉ីដងវែងរបស់កម្ពុជាត្រូវបានគណៈកម្មាធិការអន្តររដ្ឋាភិបាលដើម្បីការការពារកេរមរតកវប្បធម៌អរូបី នៃអង្គការយូណេស្កូ ចុះក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិ ដែលត្រូវការការពារជាបន្ទាន់។

ចាប៉ីដងវែងជាឧបករណ៍តន្ត្រីបុរាណខ្មែរ មានខ្សែ២ ឧបករណ៍នេះសម្រាប់ប្រគំក្នុងវង់ភ្លេងការបុរាណ វង់ភ្លេងអារក្ស វង់ភ្លេងមហោរី និងវង្វង់ភ្លេងការខ្មែរបុរាណ ជាដើម។ ក្រៅពីនេះ ចាប៉ីដងវែង ជាឧបករណ៍ដែលអាចលេងទោលសម្រាប់លេងកំដរចម្រៀងកំណាព្យ ដែលគេដេញហើយបានច្រៀង និងច្រៀងហើយបានដេញពិរោះស្ដាប់មិនចេះជិនណាយ។

រូបរាងចាប៉ីដងវែងគេចែកចេញជាស្នូក (ប្រអប់សំនៀង) ដង ព្រលួត ប្រកៀន (ធរណី) ខ្ទង់ ក្រាញ (គីង្គក់) ខ្សែសំនៀងធ្វើពីសរសៃសូត្រ និងខ្សែនីឡុង។

គួររំលឹកផងដែរថា កាលពីថ្ងៃទី៣០ ខែវិច្ឆិកា ឆ្នាំ២០១៦ ចាប៉ីដងវែង ត្រូវបានចុះបញ្ជីបេតិកភណ្ឌវប្បធម៌អរូបី នៃមនុស្សជាតិ ដែលត្រូវការពារជាបន្ទាន់។ នៅពេលនោះ កម្ពុជាក៏ទទួលបានទឹកប្រាក់ចំនួន ២៣ម៉ឺនដុល្លារ ដើម្បីការពារមរតកប្រពៃណីចាប៉ីដងវែងនេះដែរ៕

ចុចអាន៖ ព្រឹទ្ធាចារ្យចាប៉ីដងវែង លោកតា ប្រាជ្ញ ឈួន ទទួលមរណភាព

អត្ថបទ៖ ស្រីអូន