ហ្វីលីពីន ត្រៀមអនុវត្តច្បាប់ដកចោលអភិបាល ដែលមិនយកចិត្តទុកដាក់រឿងសំរាម

2018-12-01 09:15:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងមហាផ្ទៃ និងរដ្ឋបាលក្នុងស្រុក ហ្វីលីពីន នឹងចាប់ផ្ដើមដាក់ពាក្យប្ដឹងអភិបាលក្រុង-ខេត្ត និងថ្នាក់ក្រោម ដែលមិនអនុវត្តច្បាប់ការគ្រប់គ្រងកាកសំណល់ សំរាមឲ្យបានត្រឹមត្រូវ។

សំរាម នៅក្រុងម៉ានីល ប្រទេសហ្វីលីពីន (រូបថត៖ Joshua Paul/Greenpeace)

អនុរដ្ឋលេខាធិការក្រសួងមហាផ្ទៃ និងរដ្ឋបាលក្នុងស្រុក ហ្វីលីពីន លោក Martin Dino បានថ្លែងកាលពីថ្ងៃទី៣០ ខែវិច្ឆិកា ឆ្នាំ២០១៨ថា លោកកំពុងទន្ទឹងរង់ចាំរបាយការណ៍ប្រចាំខែ ដើម្បីឲ្យភ្នាក់ងាររបស់លោកដាក់ពាក្យប្ដឹងមន្ត្រីដែលមិនអនុវត្តច្បាប់ការគ្រប់គ្រងកាកសំណល់។

ច្បាប់គ្រប់គ្រងកាកសំណល់រឹងដែលចូលជាធរមានកាលពីខែមករា ឆ្នាំ២០០១ តម្រូវឲ្យអភិបាល និងមេភូមិនានា បង្កើតទីតាំងកែច្នៃសំរាម ដើម្បីគ្រប់គ្រងសំរាមឲ្យបានល្អ។

លោក Dino បន្តថា អភិបាលដែលមិនបានគោរពច្បាប់នេះ នឹងទទួលខុសត្រូវចំពោះទង្វើរបស់ខ្លួន ហើយអាចប្រឈមនឹងការព្យួរ ឬដកចេញពីតំណែងតែម្ដង៕

ប្រភព៖ Inquirer ប្រែសម្រួល៖ លាភ.