ក្រសួងរៀបចំកម្មវិធីដាំដើមឈើ នៅសហគមន៍នេសាទពាមក្រសោប ដើម្បីអបអរបុណ្យសមុទ្រ

2018-12-02 02:03:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងទេសចរណ៍ បានឱ្យដឹងកាលពីថ្ងៃទី១ធ្នូម្សិលមិញថា ក្រសួងនឹងរៀបចំកម្មវិធីដាំដើមឈើអនុស្សាវរីយ៍ អបអរសាទរពិធីបុណ្យសមុទ្រលើកទី៧ ដែលនឹងធ្វើឡើងនៅព្រឹកថ្ងៃទី១៣ ខែធ្នូ ឆ្នាំ២០១៨ នៅសហគមន៍នេសាទពាមក្រសោប ខេត្តកោះកុង។

ការរៀបចំកម្មវិធីនេះ គឺក្នុងគោលបំណង៖

-ចូលរួមយុទ្ធនាការ "ទេសចរម្នាក់ ដើមឈើមួយដើម

-ចូលរួមជំរុញចលនាទេសចរណ៍ក្នុងស្រុក

-ចូលរួមរក្សាគម្របព្រៃឈើ និងអេកូឡូស៊ីបរិស្ថាន

-ចូលរួមទប់ស្កាត់ការឡើងកម្តៅផែនដី និងការប្រែប្រួលអាកាសធាតុ

-គាំទ្រគោលនយោបាយទាក់ទាញភ្ញៀវទេសចរ ឱ្យចូលមកទស្សនាច្រើនដង។

ជាមួយគ្នានេះ ក្រសួងទេសចរណ៍បានអំពាវនាវឱ្យសិស្ស-និស្សិត កម្មករ-កម្មការិនី ព្រះសង្ឃ ប្រជាពលរដ្ឋ ភ្ញៀវទេសចរជាតិ និងអន្តរជាតិ ឱ្យចូលរួមដាំដើមឈើក្នុងឱកាសបុណ្យសមុទ្រនាពាក់កណ្តាលខែធ្នូខាងមុខនេះ។

ក្រសួងបញ្ជាក់ថា ការចុះឈ្មោះធ្វើឡើងចាប់ថ្ងៃជូនដំណឹងរហូតដល់ថ្ងៃទី៧ ខែធ្នូ ឆ្នាំ២០១៨ តាមរយៈវិបសាយនេះ៖ cambodiaecobusiness.org៕