កាតា ប្រកាសដកខ្លួនចេញពីអង្គការ OPEC
- 2018-12-03 07:11:02
- ចំនួនមតិ 0 | ចំនួនចែករំលែក 0
កាតា ប្រកាសដកខ្លួនចេញពីអង្គការ OPEC
ចន្លោះមិនឃើញ
ប្រទេសកាតានឹងដកខ្លួនចេញពីអង្គការនៃប្រទេសនាំចេញប្រេង (OPEC) ដែលជាអង្គការមានសមាជិក ១៥ប្រទេស និងផ្គត់ផ្គង់ប្រេងជាងពាក់កណ្ដាលនៃផលិតផលប្រេងសរុបក្នុងពិភពលោក។
ការប្រកាសនេះ ធ្វើឡើងដោយលោករដ្ឋមន្រ្តីថាមពលកាតា Saad Sherida al-Kaabi នៅថ្ងៃទី៣ ខែវិច្ឆិកា ២០១៨នេះ និងត្រូវបានបញ្ជាក់ដោយក្រុមហ៊ុន Qatar Petroleum ដែលជាក្រុមហ៊ុនប្រេងរបស់រដ្ឋ។
ការប្រកាសនេះ ធ្វើឡើងប៉ុន្មានថ្ងៃប៉ុណ្ណោះ មុនកិច្ចប្រជុំ OPEC ដែលធ្វើឡើងនៅថ្ងៃទី៦ ខែធ្នូ ឆ្នាំ២០១៨ ខាងមុខនេះ។
លោក Al-Kaabi បញ្ជាក់ថា កាតាបានសម្រេចដកខ្លួនចេញពីអង្គការ OPEC នៅខែមករា ២០១៩ ខាងមុខ។
សូមបញ្ជាក់ថា កាតាជាប្រទេសផលិតឧស្ម័នធម្មជាតិច្រើនជាងគេបំផុតក្នុងពិភពលោក ប្រមាណ ៣០% នៃការផ្គត់ផ្គង់ក្នុងពិភពលោកទាំងមូល៕